milenicinja.mk » Новости » Жители на американски град изгласаа булдог за градоначалник

Жители на американски град изгласаа булдог за градоначалник

Објавено: 06/Nov/2020 во 13:41

Жители на американски град изгласаа булдог за градоначалник
Покрај изборите за Белата куќа и Конгресот, граѓаните на еден американски град во Кенракија избираа и градоначалник. Ова и не би била некоја голема вест да не беше изборот помеѓу кучиња.
 
Францускиот булдог Вилбур Бист победил во градоначалничката трка со 13.143 гласа со што станал и најпопуларен градоначалник во светот. Одзивот на гласање бил огромен со рекордни 22.985 гласови. 

Бист не е првото куче на тоа место, бидејќи сите градоначалници на Ребит Хес се кучиња уште од далечните 90ти години. Граѓаните гласаат така што на лист го пишуваат името на кандидатот за кој гласаат и тогаш донираат еден долар за историско здружение на градот. 

Првиот избран градоначалник во историјата на Ребит Хес бил усвоен мешанец по име Гуфи Борнеман Калхун. Во 1998 година бил изгласан и му бил доделен мандат од 4 години. За жал не го издржал мандатот затоа што починал накрајот на 2001 година на свои 17 години. 

Оваа година Вилбур Бист го победил Бринет Палтро, спасен питбул, кој бил градоначалник од 2017 година.


Коментари

Најава






Немате корисничко име, регистрирајте се.
прашајте др. ветеринар
изгубено-најдено