milenicinja.mk » Новости » Дали знаете се за кучињата?

Дали знаете се за кучињата?

Објавено: 06/Nov/2020 во 14:05

Дали знаете се за кучињата?
Нашите кучиња отсекогаш ни биле најдобри пријатели, верни сопатници и најважно – наше семејство. Со тоа сосема е нормално да сме целосно фасцинирани со фактите за кучињата и сите можни интересни информации до кои можеме да дојдеме. Сосема сме одушевени од нашите четириножни пријатели и сакаме да откриеме колку што е можно повеќе за нив. 

Овие суштества не се само преслатки за гледање, туку тие никогаш не го осудуваат својот сопственик. Не им е важно дали сте богати или сиромашни, која боја на кожа или вера сте и ве прифаќаат такви какви што сте. 

Далтонизам 

Постои општо тврдење дека кучињата не можат да ги гледаат боите. Тоа всушност не е вистина бидејќи и кучињата ги гледааат боите, но не со еднаков интензитет како луѓето. Нивното доживување на боите е слично како нашето доживување на боите во темнина. 

Не постојат две идентични носиња 

Носот на кучето е еквивалентен на отисокот на прстот на човекот, така што секој има единствен примерок на градба и набори. Носињата секојаш им се мокри за да можат полесно да ја впијат и да ја обработат миризбата на честичките. 

Кучињата сонуваат исто како и луѓето 

Ако сте забележале како вашето куче се протега во сон, тоа веројатно значи дека сонува. Истражувањата откриле дека кучињата имаат слично спиење и мозочни активности како и луѓето, така што малите кученца имаат поголема тенденција да сонуваат од возрасните. Научниците сугерираат дека веројатно сонуваат познати активности како играње или бркање на опашката. 

Црните кучиња поретко се вдомуваат 

Статистичките податоци покажуваат дека црните кучиња поретко се вдомуваат. Во историјата црните кучиња се поврзувале со „пеколни кучиња“ и луѓето ги сметале за лош знак. Се рабира дека тоа е далеку од вистината. 

Кучињата се паметни како двегодишни деца 

Според истражувачите на кучиња и авторот Стенлиј Корен, кучињата и двегодишните дека се слични кога во прашање е нивниот мозок. Исто така објаснил дека човековиот најдобар пријател може да разбере повеќе од 150 зборови. 

Движење на опашката 

Ако вашето куче возбудено ја врти опашката, тоа значи дека е среќно што ве гледа, зарем не? Не е секогаш така. Кучињата можат да ја движат опашката кога се среќни, но и кога се исплашени. Ниското движење на опашката значи дека се несигурни, а брзото движење со проширени зеници може да сугерира агресивност. 

Малите кученца се раѓаат слепи и глуви 

Новородените кученца уште се развиваат, така што ушните канали и очите и понатаму им се затворени. Поголемиот дел од кучињата очите ги отвараат и реагираат на звук од прилика по две недели. 

Шесто сетило 

Според анкетите, 67% од сопствениците пријавиле дека нивниот миленик се однесува невообичаено пред невреме или земјотрес, а 43% се изјасниле дека миленикот се однесувал невообичаено пред да се случи нешто лошо. Како се однесувале? Цивкање, „диво“ однесување или обид да се сокријат на сигурно место. Постојат и бројни тврдења и извештаи дека кучињата можат да почувствуваат болест.


Коментари

Најава






Немате корисничко име, регистрирајте се.
прашајте др. ветеринар
изгубено-најдено