milenicinja.mk » Новости » Отфрлено куче наскоро ќе биде нов станар во Белата куќа

Отфрлено куче наскоро ќе биде нов станар во Белата куќа

Објавено: 09/Nov/2020 во 15:06

Отфрлено куче наскоро ќе биде нов станар во Белата куќа
По четиригодишниот мандат на Доналд Трам, куче повторно ќе биде станар во Белата куќа, домот на претседателот на САД. Новоизбраниот претседател, Џо Бајден, е познат како голем љубител на кучиња, особено на германски овчари поради што неговите миленици Мајор и Чемп ќе се вселат во оваа позната куќа. 

По големата неизвесност за време на изборите за претседател во САД, сега е јасно дека од февруари следната година во овие простории ќе чекори и човековиот најдобар пријател. Од 2016 година кога во оваа куќа се всели претседателот Доналд Трамп, немало домашен миленик. 

Зошто Трамп немал куче никогаш не дознавме, но факт е дека тој е еден од ретките претседатели кои немале миленик покрај себе. 

Чемп е набавен во 2008 година. Младиот овчар Мајор е посвоен пред две години. Интересно е тоа што тој ќе биде првото куче усвоено. Тој бил еден од шестте мали кои биле фрлени во отпад, а згора на тоа биле отруени. 

По брза интервенција од страна на ветеринар, сите биле спасени. Инаку новиот претседател Џо Бајден до сега бил сопственик на три германски овчари и една дога.


Коментари

Најава






Немате корисничко име, регистрирајте се.
прашајте др. ветеринар
изгубено-најдено