milenicinja.mk » Новости » Мачки и помагаат на полицијата по терористичкиот напад

Мачки и помагаат на полицијата по терористичкиот напад

Објавено: 12/Nov/2020 во 14:04

Мачки и помагаат на полицијата по терористичкиот напад
Неодамна е откриена информација дека мачките и помагале на полицијата во големата истрага по терористичкиот напад кој се случи во Стразбург пред две години. Техниката која тогаш се користела пеку Твитер, започна да се применува и по неодамнешниот напад во Виена. 

Станува збор за брутален напад во Стразбург на 11 декември 2018 година во кој 5 лица се убиени и 11 ранети. По нападот, полицијата покренала акција во потрага на сторителите. Преку социјалните мрежи и медиуми бил упатен позив сите кои имаат било каква информација за случувањето, веднаш да ја информираат полицијата. 

Тогаш се појавил проблем бидејќи било која информација објавена на социјалните мрежи може да ја загрози полициската акција. Француската полиција отишла толку далеку што на твитот ги повикувала луѓето да не објавуваат фотографии и видео записи од полициските активност. 

Корисниците на Твитер не само што го послушале позивот на полицијата туку направиле нешто многу подобро. Во обид да ги стопираат доверливите информации кои се појавувале со хаштагот #neudorf, тие ја преправиле содржината и започнале да споделуваат фотогравии и видео записи со преслатки мачки. 

Акцијата успеала. Доколку некој би го претражувал хаштагот #neudorf, би пронашол безброј фотографии од преслатки мачки кои се играат, мазат, спијат... Многу корисници кои биле сопственици на куче поставиле фотографија од својот миленик и кучињата да не се чувствуваат запоставено во оваа акција. 

Истиот модел за помош на полицијата од неодамна се применува и во Виена по терористичкиот напад. Овој пат хаштагот е #viena. 

Кучињата се регуларни припадници на безбедносните сили во целиот свет, но се покажало дека и мачките можат да бидат од корист, па макар тоа било и преку социјалните мрежи.


Коментари

Најава






Немате корисничко име, регистрирајте се.
прашајте др. ветеринар
изгубено-најдено