milenicinja.mk » Новости » Кучињата се единствените суштества кои не сакаат повеќе од себе

Кучињата се единствените суштества кои не сакаат повеќе од себе

Објавено: 16/Nov/2020 во 15:36

Кучињата се единствените суштества кои не сакаат повеќе од себе
Четириножните пријатели се скапоцен дел од нашето семејство. Сите кои имале домашен миленик знаат колку радост носат тие во нашето секојдневие и како на бројни начини позитивно влијаат на нашето расположение. 

Сепак со доаѓање на ладните денови, се повеќе се забележуваат слики од напуштени миленици кои немаат кров над глава и храна во период на зима, што е проблем со кои се соочуваат речиси сите градови во Македонија. 

Во продолжение, ви носиме неколку причини поради кои би требало, ако до сега не сте, да размислите за вдомување на куче или маче, особено во зимскиот период. 

Домашните миленици се добри за нашето расположение 

Општо е прифатена и тестирана теоријата дека кучињата и мачките можат да бидат наши најдобри пријатели како во детството, така и кога ќе пораснеме. Постои и мислење дека кучињата можат да помогнат кај лекување на тага и депресија - и ако не сте научник или психолог, ова мислење сигурно не ви епознато, само ако се сетите на широката намевка која секогаш ви ја предизвика кучето кое ве поздравува. 

Домашниот миленик ни помага да бидеме активни 

Доколку имате миленик во двор, а со тоа и простор за него да се игра и да трчи, тогаш знаете колку енергија имаат тие и колку е забавно да ги подучувате. И ако живеете само во стан, обврската за секојдневното изведување на кучето на прошетка е добро и за вашето физичко здравје. Еднаш кога ќе го внесете кучето во вашиот живот, нема да можете да се замислите без него.  

Со вдомување правите добро дело 

Во нашава земја постојат многу напуштени кучиња, но добра вест е што со мали чекори можеме да го решиме овој проблем – да вдомиме напуштено куче. Ние безброј пати објавивме колку многу користи има со вдомување на напуштено куче, колкава радост е тоа, како и хуман гест. 

Зимскиот период е вистински момент за нов член во семејството 

Уживањето во празничната еуфорија во круг на најблиските станува уште поубав со четириножен пријател. Милениците внесуваат посебна радост во растењето на децата. Животот со миленик и растење со него научниците го гледаат како постојана можност за децата да учат нешто за одговорност и да развиваат емпатија, несебичност и безусловна љубов. 

На крај мораме да потенцираме дека неодговорното сопствеништво е најчестиот проблем кога се зборува за напуштени кучиња и затоа е многу важно да се знае дека нашите пријатели се живи суштества кои имаат свои потреби и на кои треба да им се понуди целата љубов.


Коментари

Најава






Немате корисничко име, регистрирајте се.
прашајте др. ветеринар
изгубено-најдено