milenicinja.mk » Новости » Австрија го претстави кучето кое може да го намириса корона вирусот

Австрија го претстави кучето кое може да го намириса корона вирусот

Објавено: 17/Dec/2020 во 17:38

Австрија го претстави кучето кое може да го намириса корона вирусот
Австриската војска го претстави првото воено куче научено да го открие корона вирусот преку мирисање на заштитната маска на заразениот, соопштуваат од Министерството за одбрана на Австрија. 

Во соопштението се наведува дека белгискиот овчар по име Фантази Форевер, учествува во програма која треба да открие дали кучињата можат да ги разликуваат здравите и заразените луѓе. 

Според извештајот од програмата, потврдено е дека кучињата навистина можат да ја препознаат маската на заразената личност, јавуваат од ТАСС. 

Првата фаза на проверката е преминување во практична фаза, истакнуваат во соопштението. 

Во моментов и второ куче ја завршува првата фаза, а уште две кучиња ќе ја научат оваа вештина до крајот на годината. 

Се очекува проектот да биде завршен во првото тромесечие на 2021 година, а пред тоа сите кучиња ќе ги поминат практичните тестови со маски на заразените. 

Министерството за одбрана сака да донесе заклучок за тоа дали кучињата ќе можат да се користат и во реални услови, како на пример на аеродроми.


Коментари

Најава






Немате корисничко име, регистрирајте се.
прашајте др. ветеринар
изгубено-најдено