milenicinja.mk » Новости » Кучето треба да го доведете во топ форма и во зима

Кучето треба да го доведете во топ форма и во зима

Објавено: 24/Dec/2020 во 20:36

Кучето треба да го доведете во топ форма и во зима
За време на есенските и зимските денови потребно е кучето да го одржите во форма. Иако деновите се кратки и ладни, секојдневната прошетка, трчање или едноставна игра во парк можат да дадат огромна корист за вашето куче. Прочитајте неколку совети како кучето да го доведете во добра форма. 

Преднсти од редовно вежбање 

Редовното вежбање навистина има многу голема корист за здравјето на вашето куче. Активните кучиња имаат побрз метаболизам, помалку јадат и имаат помал проблем со телесната температура. Со редовната вежба не само што кучето ќе биде во добра форма туку неговата енергија ќе се пренасочи на нешто корисно наместо потенцијалното уништување на работите околу себе. 

Посоветувајте се со ветеринар 

Вежбите кои ги прави вашиот миленик мора внимателно да бидат одберени согласно староста, расата и здравствената ситуација. На малите кучиња на возраст од шест до осумнаесет месеци, овчарите, ловечките кучиња и териерите им е потребна секојдневна и активна вежба. Сепак, доколку кучето е постаро, многу мало или болно не треба да му се прават напорни вежби. 

Многу е важно да се следат можностите и ограничувањата на милениците. Доколку забележите дека кучето забавува или се мачи, престанете со вежбата за тој ден и следниот пат намалете го темпото. Паметно е постепено да го вовлечете кучето до интензивна вежба која ја сакате. Временските прилики исто така можат да бидат неповолни – па не го форсирајте доколку е премногу ладно. Не заборавајте често да се одмарате. 

Активирајте се 

Прво пронајдете ја физичката активност која најмногу одговара на вашиот миленик и на вас. Истражете што најмногу ви одговара на двајцата, одење, трчање, фрлање стап, пливање, игра со други кучиња или учење трикови за награда. 

Смислете добар план 

Задачата е на вас и вашиот ветеринар да смислите што е најдобро за вашиот миленик, следејќи ги неговите потреби, можности и здравствена ситуација. Многу е важно секојдневно да го шетате својот миленик. Добриот план може многу да ви помогне. 

Нискокалорична храна 

Доколку вашето куче многу сака да изведува трикови, нискокалоричните награди ќе го доведат до совршенство. Тоа може да биде морков, парче банана, јаболко или варено парче месо.


Коментари

Најава






Немате корисничко име, регистрирајте се.
прашајте др. ветеринар
изгубено-најдено