milenicinja.mk » Новости » Новите генерации на кучиња ќе бидат уште попаметни

Новите генерации на кучиња ќе бидат уште попаметни

Објавено: 29/Dec/2020 во 17:18

Новите генерации на кучиња ќе бидат уште попаметни
Нашите четириножни пријатели се далеку попаметни од она што всушност мислиме за нив, тврдат научниците. Резултатите од новата студија покажуваат дека способноста на кучињата инстинктивно да ја предвидат желбата и реакцијата кај луѓето е се поголема. 

Кучињата можат да го предвидат и разберат човековото однесување подобро од било кога, тврдат британските научници од Абертеј Универзитет во Дандија. Тие сугерираат дека на идните генерации можеби нема да им е потребна обука. 

Илјада години дружење со луѓето има особено влијание на когнитивните способности на кучето. Преку процесот на припитомување кучињата ги прифатиле луѓето како социјални партнери па со тоа особено добро реагираат на нашето однесување. 

Биолозите анализирале однесување на 24 кучиња, од добро дресирани до оние кои се без дресура. Забележано е дека нема разлика помеѓу дресирани и недресирано кучиња за време на сфаќање и извршување едноставни невербални команди, како што е покажување со прст и потврдување со глава. 

Разликата е забележана само во една работа, а тоа е дали командата доаѓа од познато лице или не. 

Со меѓусебното запознавање кучињата покажуваат се поголемо внимание на човекот, што може да значи дека со поголемо зближување можат ефикасно да прочитаат, па и предвидат човековото однесување – објаснил истражувачот Клер Канингем. 

Доколку овие способности се пренесат од една генерација на друга, со тек на време нашите миленици ќе станат се попаметни и подобро ќе го предвидуваат нашето однесување. Заклучок од студијата е дека когнитивниот развој на кучето зависи од нивниот ДНК а не од обука. 

Можеби еден ден нема да имаме потреба да ги дресираме нашите кучиња, кој знае...


Коментари

Најава






Немате корисничко име, регистрирајте се.
прашајте др. ветеринар
изгубено-најдено