milenicinja.mk » Новости » Снегот пристигна – подгответе го миленикот за уживање

Снегот пристигна – подгответе го миленикот за уживање

Објавено: 15/Jan/2021 во 01:26

Снегот пристигна – подгответе го миленикот за уживање
Животните сакаат да се играат во снег, но потребно е да се направат неколку работи за уживањето да биде загарантирано и без последици. 

Еве неколку работи на кои треба да обрнете внимание и треба да се заштитите. 

Хемикалиите за лед се токсични – водете сметка 

Постојано се нагласува за штетното влијание на хемикалиите кои се истураат на ледот. Кога има лед на улицата тука е и антифриз кој може да биде отровен за миленикот. Се користат и разновидни средства против замрзнување како што е солта кои се прилепуваат на шепите. Истите тие хемикалии можат подоцна да бидат излижани од страна на миленикот и да предизвикаат проблеми во работата на организмот. Поради тоа, задолжително измијте ги шепите по прошетка. 

Нахранете ги добро 

Како што ние повеќе ја полниме чинијата со храна во ладните денови така треба и кај нив. Како што сметаат научниците, треба да се водите по нивиот апетит бидејќи тие знаат кога им е потребна храна. Но, доколку вашиот миленик е гурман, вие ограничете ја храната. 

Заштитете ги од лед 

Ледот многу лесно може да се прикачи на крзното, така што за време на ладните денови редовно кратете го крзното во близина на шепите. По престојот надвор, проверете да не останало парче лед во шепите. 

Облечете ги топло 

Доколку имате постаро куче, имајте на ум дека зимата воопшто не му е пријатна. Кога температурите ќе опаднат водете особено сметка да им обезбедите дополнителна облека. Елек, јакна или џемпер можат да изгледаат неодоливо на вашиот миленик, а тоа ќе овозможи прошетка со уживање.


Коментари

Најава






Немате корисничко име, регистрирајте се.
прашајте др. ветеринар
изгубено-најдено