milenicinja.mk » Новости » Кучиња спасиле луѓе потрупани со лавина од снег

Кучиња спасиле луѓе потрупани со лавина од снег

Објавено: 08/Feb/2021 во 17:17

Кучиња спасиле луѓе потрупани со лавина од снег
Две лица потрупани со лавина се спасени благодарение на нивните кучиња кои со своето лаење им скренале внимание на планинарите. Планинарите го слушнале лаењето на кучињата и веднаш се заинтересирале во што е проблемот. За кратко време ги откриле луѓето од снегот и повикале брза помош – соопштиле од амбулантната служба во Швајцарија. 

Лавина од снег потрупала две лица кои пешачеле во југизападна Швајцарија во долината Аверс во близина на италијанската граница, а западно од Сант Марица, во сабота претпладне. 

Нивните кучиња не биле потрупани со лавина и истите успеале да повикаат помош од планинарите со упорно и гласно лаење. Група планинари се движеле по истата долина, но не ја забележале лавината. 

Некои 15 до 20 минути по упорно лаење, грпата планинари веќе била во близина на несреќата. Еден од планинарите забелеал дланка како се гледа од под снег, додека другиот човек бил челосно поклопен со снег. 

Веднаш започнале со акција на отстранување на снегот и спасување на лицата. Двете лица се здобиле со полесни повреди и блага хипотермија, додека спасувачките екипи со хеликоптер ги префрлиле во болница. 

Кучињата се секогаш верни и тука за нас, без разлика дали станува збор за среќни мигови или сериозни незгоди.


Коментари

Најава






Немате корисничко име, регистрирајте се.
прашајте др. ветеринар
изгубено-најдено