milenicinja.mk » Новости » Во Рио де Жанеиро одржан карневал за кучиња

Во Рио де Жанеиро одржан карневал за кучиња

Објавено: 18/Feb/2021 во 19:17

Во Рио де Жанеиро одржан карневал за кучиња
Карневалот во Рио де Жанеиро, како и останатите прослави оваа година се откажани, но сопсвениците на кучиња од овој град се организирале така што подготвиле костими за своите миленици кои парадирале за најдобар костим. 

Традиционалните улични забави и прослави околу Самбадрама се откажани поради корона вирусот, но кучињата имале свои 5 минути на „Блокао“. Називот потекнува од зборот „као“ што на португалски значи куче, и „блоко“ – карневалска забава. 

Кучињата и нивните сопственици својата парада ја имале во приватен клуб. Авенија покрај Атлантикот долж плажата Копакабана била затворена. Градоначалникот на Рио поради борбата против епидемјата ги забранил сите јавни прослави. 

Кариоке ( називот на жителите на Рио) ја носат традицијата на карневалот во вените. Имало повикана само ограничена бројка на публика со цел да се спречи карневалот 2021 да се заврши како ништо да се нема случено. За време на пандемијата многу луѓе усвоиле куче за да можат полесно да ја пребродат изолацијата. 

 На парадата кучињата биле облечени како кловнови, Снежана и Црвенпака од приказните. 

Оваа парада за многу учесници била единствена прилика на момент да ја напуштат изолацијата и да доживеат барем малку од карневалскиот дух. 

„Не можев да го пропуштам ова. Тоа е широко, проветрено и многу познато место“ - изјавила жена која го довела својот териер облечен како лекар со наметка, маска и стетоскоп.


Коментари

Најава






Немате корисничко име, регистрирајте се.
прашајте др. ветеринар
изгубено-најдено