milenicinja.mk » Новости » Маче кое било заглавено во тркало два дена, спасено од пожарникарите

Маче кое било заглавено во тркало два дена, спасено од пожарникарите

Објавено: 21/Apr/2021 во 14:54

Маче кое било заглавено во тркало два дена, спасено од пожарникарите

Службата за спасување во Сан Антонио, Тексас, заедно со пожарникарите спаси мало маче, кое се заглавило во еден од отворите на тркалото.

Фотографиите од процесот на спасувањето заедно со описот на акцијата на социјалните мрежи ги објави Службата за спасување.

„Добивме информација дека кутрото мало маче било заглавено цели два дена во отворот на тркалото. Кога дојдовме на терен, мачето беше многу изнемоштено, бидејќи било без храна и вода целиот период, а својата сила ја потрошило обидувајќи се самото да се ослободи. Најпрво се обидовме да го одглавиме со помош на сапун, а откако не успеавме, не сакавме да губиме повеќе време. Пристапивме кон сечење на тркалото со помош на специјален алат и на тој начин го ослободивме мачето.“ – пишува во објавата на Службата за спасување од Сан Антонио.

По спасувањето изнемоштеното маче добило кислородна поддршка, а набрзо било избањато од страна на вработените во службата.

Мачето сега е здраво, чисто, нахрането и се чувствува добро.

Луѓето ширум светот во коментарите под објавата ја поздравуваат оваа акција на спасување на мачето, порачувајќи дека во секоја земја на светот животите на милениците треба да се вреднуваат на овој начин.

Како изгледаше целиот процес на спасување, погледнете на фотографиите во продолжение.







Коментари

Најава






Немате корисничко име, регистрирајте се.
прашајте др. ветеринар
изгубено-најдено