milenicinja.mk » Новости » Кои видови овошје и зеленчук се добредојдени во исхраната на вашето куче?

Кои видови овошје и зеленчук се добредојдени во исхраната на вашето куче?

Објавено: 21/Apr/2021 во 15:01

Кои видови овошје и зеленчук се добредојдени во исхраната на вашето куче?

Нашите домашни миленици немаат потреба за внес на овошје и зеленчук, како што имаме ние луѓето.

Кучињата по природа се месојадци, но од време на време одреден вид на овошје или зеленчук може добро да му дојде на вашиот миленик, земајќи ја предвид нивната ниска калориска вредност.

Во продолжение за вас издвојуваме видови овошје и зеленчук, кои се корисни за вашето куче, а нивниот вкус милениците го обожуваат:

1. Јаболка
Јаболките содржат антиоксиданси, кои го зајакнуваат имунитетот на вашето куче. Освен тоа, на вкус се благи, а кучињата обожуваат благо.

2. Спанаќ
Спанаќот е одличен избор секојпат кога вашето куче ќе посака зеленчукова закуска. Тој е богат со железо и калциум, а овие минерали се одлични за здравјето на коските на вашето куче.

3. Тиква
Свежа или конзервирана, печена или варена – вашето куче ќе ја обожува поради нејзиниот сладок вкус. Таа е добра за варењето на храната, па може да му ја понудите на вашиот миленик кога ќе забележите дека има некаква иритација на дигестивниот тракт.

4. Морков
Морковот е омилена закуска на многу домашни миленици. Не само што е здрав, тој дополнително му помага на вашето куче бидејќи ја одржува неговата орална хигиена и помага во отстранувањето на забниот камен.

5. Лубеница
Лубениците се извор на антиоксидантот ликопен, а покрај тоа му обезбедуваат хидратација на вашиот миленик во топлите летни денови.

6. Крушка

Крушките се богати со антиоксиданси и растителни влакна, здрави за срцето на вашето куче. Освен тоа, кучињата го обожаваат нивниот сладок вкус, па тоа ги прави едни од омилените закуски на овие домашни миленици.

7. Боровница
Овие виолетово – сини топчиња се преполни со антиоксиданси и се мошне здрави за вашиот миленик. Нивниот сладок вкус кучињата го обожуваат, но со ова овошје треба да бидете внимателни во дозирањето, мала количина од 4 – 5 топчиња е сосема доволна за вашето куче и ќе му ги обезбеди сите потребни антиоксиданси
.



Коментари

Најава






Немате корисничко име, регистрирајте се.
прашајте др. ветеринар
изгубено-најдено