milenicinja.mk » Новости » Зошто е добро да имате куче за домашен миленик?

Зошто е добро да имате куче за домашен миленик?

Објавено: 22/Apr/2021 во 02:04

Зошто е добро да имате куче за домашен миленик?

Добро е познато дека кучето е најдобар пријател на човекот, па согласно тоа многу луѓе се одлучуваат да изберат токму куче за свој домашен миленик.

Без разлика на расата на кучето, тие навистина носат радост и ведрина во домот, а на човекот му помагаат да создаде нови навики, кои ќе го разубават неговиот живот.

Ние за вас, денес издвојуваме 5 причини зошто да чувате куче:

1. Ќе имате свој чувар
Ова е предноста број еден. Вашето куче го чува вашиот дом и вашето семејство. Провалите се мошне ретка појава во домовите во кои има куче. Но, овие домашни миленици не ве заштитуваат само од провалниците. Тие преку своето лаење ќе ве предупредат дека во близина се наоѓа непознат човек, па така вие може да бидете спокојни во вашиот дом, знаејќи дека доколку некој доаѓа, за тоа ќе ве извести вашето куче.

2. Ќе имате свој тренер
Кучето има потреба од секојдневна физичка активност, и што е уште поважно – друштво за тоа. Луѓето кои имаат ваков домашен миленик секојдневно пешачат до паркот, покрај кејот, играат топка или фризби на некоја ливада. Тоа им помага во одржување на линијата и носи низа здравствени придобивки. Пешачењето со домашниот миленик во времетраење од само 20 минути го намалува ризикот од срцеви удари за 8%.

3. Лесно ќе стекнувате нови пријателства
Модерното време и достапноста до контакти што ја овозможуваат социјалните мрежи, не’ учи дека не е потребно да зборуваме со непознати луѓе на улица. Но, за сопствениците на куче не важи ова правило. Кој подобро ќе ве разбере од човек кој чува ист вид домашен миленик како вас? Од разговори за храна, до препорака за ветеринари и места за прошетка, сопствениците на кучиња навистина сакаат да разговараат едни со други и да споделуваат искуства, а во ова дружба, секако најмногу уживаат домашните миленици.

4. Постојано ќе имате друштво
Покрај вашето куче, вие никогаш нема да бидете сами. Постојат мигови во животот кога покрај вас не е семејството, ниту пријателите, но во тие мигови покрај вас ќе биде вашиот домашен миленик. Без разлика дали не се чувствувате добро па сакате да бидете подалеку од се’ или живеете далеку од своите блиски, вашето куче ќе биде тука за вас. Тоа ќе се потруди да ве расположи на секој можен начин, несебично искажувајќи ја неговата љубов кон вас.

5. Ќе имате свој терапевт за ослободување од стресот
Научно е докажано дека галењето со вашиот домашен миленик ќе ви помогне да се ослободите од стресот. Самото присуство на домашниот миленик предизвикува позитивна енергија во просторот, која ви помага да се чувствувате пријатно кога се наоѓате во вашиот дом.



Коментари

Најава






Немате корисничко име, регистрирајте се.
прашајте др. ветеринар
изгубено-најдено