milenicinja.mk » Новости » Кои нешта можат да го вознемират вашето куче?

Кои нешта можат да го вознемират вашето куче?

Објавено: 23/Apr/2021 во 01:27

Кои нешта можат да го вознемират вашето куче?

Сите сопственици на миленици, сакаат најдобро што можат да се грижат за своето куче, но најчесто не знаат дека некои секојдневни нешта можат да го вознемират нивниот најдобар пријател.

Затоа ние за вас денес издвојуваме неколку причини кои можат да предизвикаат стрес кај вашиот миленик, според тврдењата на ветеринарите:

1. Носење наочари за сонце или шешир

Кучињата не зборуваат, но затоа својата комуникација со луѓето ја остваруваат преку погледот. Тие сакаат да ве гледаат во очи за да ве разберат, а прекриеното лице кај нив предизвикува несигурност во добивањето сигнали. Затоа ветеринарите советуваат секогаш кога се наоѓате во друштво на вашиот миленик, а притоа носите наочари или шешир, да му зборувате на вашето куче со цел тоа да ја надомести потребната комуникација што би ја остварило со поглед.

2. Преместување на мебелот или преуредување на домот
Кучињата го користат сетилото за мирис кога се движат низ вашиот дом, но исто така го користат и сеќавањето за полесно ориентирање. Тие во својата глава имаат создадено мапа на својот животен простор, така што било какви промени во создаденара мапа, кај милениците предизвикуваат стрес. Затоа најдобро е мебелот да се поместува постепено, дел по дел, а доколку станува збор за реновирање, ветеринарите велат дека сопственикот секогаш треба да го запознае миленикот со новиот простор, зборувајќи му и охрабрувајќи го да се движи низ него.

3. Гласна музика
Кучињата имаат многу помал праг на толеранција на високи тонови отколку луѓето. Тоа е така затоа што нивното сетило за слух е навистина изострено. Тие слушаат звуци во далечина, па согласно тоа за нив навистина претставуваат шок високите тонови кои доаѓаат од нивната близнина. Затоа намалете го звучникот на телефонот, телевизорот или радиото секогаш кога се наоѓате во друштво на вашето куче, имајќи ја предвид неговата чувствителност, а кога станува збор за семејните дружи, кои исто така знаат да бидат гласни – потрудете се вашиот миленик да биде сместен на мирно и спокојно место, подалеку од епицентарот на семејната собиранка.

4. Огномет
Речиси сите сопственици на кучиња знаат за пречуствителноста на нивните миленици кога станува збор за пиротехниката, било тоа да е огномет или петарди. Ветеринарите препорачуваат кучето секогаш да биде затворено во домот во оние денови кога надвор се очекува огномет и соопштуваат дека најновите истражувања покажуваат голема чувствителност и на мирисот на пиротехника кај кучињата, што се должи на нивната одлична меморија.

5. Промени во исхраната

Промените во исхраната секогаш се добронамерни од страна на сопствениците на кучиња. Тие сакаат да го изненадат својот миленик со новиот вид храна од омилениот производител или да му направат изненадување по некој повод. Но, ветеринарите велат не за еднодневни или краткотрајни експериментирања со видот на храната. Наглата промена на оброкот на кучето најчесто предизвикува проблеми со варењето на храната и иритација на желудникот, а тоа пак предизвикува стрес кај миленикот. Затоа доколку се одлучите за промени во исхраната на долгорочни патеки, потрудете се таа промена да биде постапна и дајте му време на миленикот да се прилагоди на новиот начин на исхрана.



Коментари

Најава






Немате корисничко име, регистрирајте се.
прашајте др. ветеринар
изгубено-најдено