milenicinja.mk » Новости » Кучињата трагачи се херои кои секојдневно спасуваат животи

Кучињата трагачи се херои кои секојдневно спасуваат животи

Објавено: 26/Apr/2021 во 15:46

Кучињата трагачи се херои кои секојдневно спасуваат животи

Кучињата трагачи биле ангажирани за време на земјотресот во Петриње и тие успеле да пронајдат и да спасат 6 затрупани луѓе, покажува статистиката на Дирекцијата за заштита и спасување на Хрватска, објавена по повод светскиот ден на кучињата трагачи.

Меѓународната организација на кучиња за потрага и спасување во 2008 година ја прогласи последната недела од месец април за светски ден на кучињата трагачи.

Кучињата трагачи се неопходен ресурс во секојдневните потраги по луѓето кои настрадале во несреќи или исчезнале, а за време на таквите потраги, благодарение на нивните добро развиени инстинкти, едно куче заменува потрага што би ја правеле 30 обучени луѓе.

Трагачките тимови составени од водач трагач и куче трагач се незаменлив дел за справување со кризните состојби и акциите на спасување.

Трагачките тимови спасуваат животи во несреќи причинети од земјотреси, експлозии и катастрофи од поголеми размери. Во текот на потрагата по лица под рушевините во урбаните средини тие се водачи, кои даваат надеж и значителен придонес за спасување на животите. Лесно го лоцираат местото каде што се наоѓа жртвата, без разлика на препреките кои се наоѓаат помеѓу нив и успеваат да истражат простор од дури 1000 метри за време од 20 минути.

Кучињата имаат 10 000 пати поразвиено сетило за мирис од луѓето, подобро слушаат и подалеку гледаат. Овие способности ги прават кучињата не само најдобри пријатели на човекот, туку и најдобри колеги во ваквите животозагрозувачки ситуации.

 

 

 

 

 

 



Коментари

Најава






Немате корисничко име, регистрирајте се.
прашајте др. ветеринар
изгубено-најдено