milenicinja.mk » Новости » Алергија на полен кај кучињата

Алергија на полен кај кучињата

Објавено: 27/Apr/2021 во 13:32

Алергија на полен кај кучињата

Црвените очи кои чешаат и кивањето се најдобро познатите симптоми на алергиската реакција на полен кај луѓето. Според проценките, еден од четворица луѓе е алергичен на полен, а доколку се прашувате дали поленот предизвикува реакција кај вашиот домашен миленик, ние сме овде за да ви одговориме.

Да, чувствителноста на полен се јавува и кај кучињата. Симптомите кои се јавуваат кај нив, се слични како оние кај луѓето, со тоа што кај кучињата може да се појави и иритација на кожата. Доколку вашиот миленик се чеша почесто или има осип на шепите или на лицето, многу е можно да станува збор за алергиска реакција на полен.

Секој домашен миленик може да развие пречувствителност на полен, но постојат раси кај кои оваа пречувствителност е генетска. Такви се: пит бул териер, бишон, боксер, ретривер, западношкотски бел териер, керн териер, германски овчар, лабрадор, кокер шпаниел, јоркширски териер, далматинец, ирски сетер и шнауцер. Доколку чувате миленик кој припаѓа на една од овие раси, тогаш внимавајте на секоја промена што се случува кај него во пролетниот период и за се’ што ќе забележите известете го вашиот ветеринар.

Корисни совети од ветеринарите се секако да се прекине или намали изложеноста на изворот на алергиската реакција. Тоа можете да го направите така што вашето куче ќе го шетате во парковите каде што редовно се коси тревата, а доколку имате трева и во вашиот двор, потрудете се таа секогаш да биде искосена. По прошетката избањајте го вашето милениче, или исчистете ги неговите шепи со цел да се осигурате дека на нив нема остатоци од трева што би можеле да го иритираат. Редовно чешлајте го вашето куче и трудете се неговото крзно да биде што пократко во пролетниот период. Секако, грижата и љубовта можат да му помогнат во справувањето со алергиската реакција, а ваше е секојдневно да му покажувате колку го сакате.



Коментари

Најава






Немате корисничко име, регистрирајте се.
прашајте др. ветеринар
изгубено-најдено