milenicinja.mk » Новости » Како домашните миленици го подобруваат квалитетот на вашиот живот?

Како домашните миленици го подобруваат квалитетот на вашиот живот?

Објавено: 28/Apr/2021 во 03:34

Како домашните миленици го подобруваат квалитетот на вашиот живот?Се прашуваме дали оние луѓе кои немаат ниту еден домашен миленик знаат колку многу милениците помагаат во подобрување на расположението или не се свесни колку многу радост и драгоцени моменти пропуштаат?

Она што со сигурност го знаеме е тоа дека сопствениците на домашни миленици не можат да замислат ниту еден ден без својот миленик. Без разлика колку и да се уморни, секогаш имаат време за прошетка со својот четириножен пријател.
Tаа прошетка е од корист и за нив, бидејќи секоја физичка активност предизвикува лачење на нервни трансмитери, кои пак, значително го подобруваат расположението. Не залудно велат дека утринската прошетка е поздрава варијанта на утринското кафе.

Што се однесува до враќањето дома после напорниот ден на работа, и овде сопствениците на миленици се во предност во однос на оние кои не чуваат миленик. Тоа е така бидејќи милениците се најдобри терапевти за стресот и уморот, а нервозата иcчезнува од лицата на сопствениците во моментот кога ќе го видат својот миленик како трпеливо ги чека да се вратат од работа за заедно да си играат и да се забавуваат.

Играта со домашниот миленик носи низа придобивки по здравјето на човекот. Таа поттикнува мозочна активност, што резултира со подобрено расположение и чувство на смиреност. Истражувањата покажуваат дека луѓето што имаат миленик поретко развиваат анксиозност, имаат понизок крвен притисок и помали шанси да доживеат срцев или мозочен удар.

Децата кои растат покрај домашен миленик покажуваат поголема емпатија и побрзо развиваат чувство на одговорност споредено со другите деца. Тие, исто така, покрај домашниот миленик, учат за важноста на невербалната комуникација и почитувањето на туѓите чувства и потреби.

Можеме да заклучиме дека секој домашен миленик е посебен на свој начин, но најважно е да знаете дека тие се постојано тука за вас и дека вие сте за нив целиот свет, па така тие би направиле се’ за да ве насмеат, расположат или заштитат. Затоа треба да бидете благодарни на љубовта што ви ја подаруваат и да се обидувате секојдневно да им вовраќате барем мал дел од таа љубов. Грижејќи се за милениците и за квалитетот на нивниот живот, вие се грижите за себе и значително го подобрувате квалитетот на својот живот.


Коментари

Најава






Немате корисничко име, регистрирајте се.
прашајте др. ветеринар
изгубено-најдено