milenicinja.mk » Новости » 5 причини зошто празниците се поубави покрај домашниот миленик

5 причини зошто празниците се поубави покрај домашниот миленик

Објавено: 29/Apr/2021 во 02:20

5 причини зошто празниците се поубави покрај домашниот миленикПред нас е еден од најголемите христијански празници – Велигден. И додека за сите луѓе овие празнични денови претставуваат денови за одмор, семејни собири и среќа, за сопствениците на домашни миленици тие носат уште една убавина – повеќе слободно време минато во друштво на своите најдобри пријатели.

Оваа дружба со домашните миленици, за сопствениците на миленици, покрај радост и среќа, носи и низа здравствени и психолошки придобивки.
Ние за вас денес ги издвојуваме најважните од нив:

1.Според истражувањата, безграничната љубов и емпатија што ја чувствувате кога сте во друштво на домашниот миленик придонесуваат за лачење на хормонот на среќата – серотонин. А бидејќи луѓето се психосоматски суштества, ослободувањето на овој хромон влијае и врз физичкото здравје.

2. Голем број научни трудови покажуваат дека интеракцијата со домашните миленици помага во регулацијата на крвниот притисок, придонесува за правилна оксидација на клетките и го чува здравјето на срцето. Научно е докажано дека сопствениците на кучиња имаат помали шанси да доживеат срцев удар, а сопствениците на мачки поретко доживуваат мозочен удар.

3. Научниците се едногласни во заклучокот дека милениците ги заштитуваат своите сопственици,особено децата, од алергии. Растот и развојот покрај домашен миленик значително го јакне имуниот систем и тој станува поотпорен на настинки, инфекции и алергии.

4. Сопствениците на домашни миленици, според истражувањата, се многу повесели луѓе кои многу поретко страдаат од депресија споредено со останатата популација, Причината за ова, научниците ја наоѓаат во ослободувањето на серотонинот и допаминот како хормони кои значително го подобруваат расположението, но многу повеќе и во фактот што милениците се постојано тука за своите сопственици. Така луѓето кои чуваат куче речиси никогаш не се чувствуваат осамено, а на оние кои чуваат маче речиси никогаш не им е здодевно.

5. Грижата за домашните миленици е грижа за себе, вели науката. Голем број објавени трудови од еминентни научници во областа на медицината потврдуваат дека сопствениците на миленици многу подобро го чуваат своето психофизичко здравје од луѓето кои немаат домашен миленик. Тоа се должи на секојдневните прошетки, споделените прегратки, различните физички активности во друштво на домашните миленици, но најмногу на фактот што сопствениците на домашни миленици ги наведуваат токму милениците како една од причините за кои се будат секое утро. Желбата за здрав живот е поголема кога до себе имате извор на безрезервна љубов.


Коментари

Најава






Немате корисничко име, регистрирајте се.
прашајте др. ветеринар
изгубено-најдено