milenicinja.mk » Новости » Општина Ѓорче Петров доби парк за миленици

Општина Ѓорче Петров доби парк за миленици

Објавено: 04/May/2021 во 01:22

Општина Ѓорче Петров доби парк за миленициПролетта е совршената доба за квалитетно поминато време со вашиот миленик на отворен простор. Прошетките се задолжителен дел од денот на секој сопственик на милениче, но со растот на температурите се јавува потребата од простор каде сопствениците на кучиња ќе можат да седат и да го гледаат својот миленик како се забавува под ведрото небо.

Некои сопственици ја имаат таа привилегија во општината во којашто живеат да има парк за миленици, а сега оваа привилегија станува реалност и за жителите на скопската општина Ѓорче Петров. Деновиве таму беше и официјално пуштен во употреба паркот за миленици што се подготвуваше веќе некое време.

Со ова, жителите на Ѓорче Петров добија простор со површина од 102 метри квадратни, уредно опремен со реквизити за домашни миленици, клупи за сопствениците и корпи за отпадоци, каде ќе можат да поминуваат време со своите миленици, но и со пријателите кои исто така чуваат миленици.

По повод отворањето на паркот, со своја извјава излезе и градоначалникот на општината, Александар Наумовски, кој истакна дека ова е првиот парк за миленици во Ѓорче Петров, но не и последен, се разбира. Наумовски, најави изградба на уште неколку вакви паркови во општината, потенцирајќи дека парковите се прават за сопствениците на миленици, кои постојано испраќале барања до општината во недостаток од ваков простор.


Коментари

Најава






Немате корисничко име, регистрирајте се.
прашајте др. ветеринар
изгубено-најдено