Манкс

Темперамент

Големина и нега

Големина: Не е наведено во изворниот профил.

Не е наведено во изворниот профил.

Земја

Островот Мен (во Ирско море), Велика Британија

Класификација

Една група мачки биле заробени на еден остров западно од брегот на Велика Британија и постепено, со времето, се формирале како посебна раса. Еден мит вели дека Манкс, кусата мачка без опашка, се родила од размножување на зајак и мачка, додека друг мит пак вели дека оваа мачка била последното животно кое ја напуштило Арката на Ное и опашката и се пресекла на вратата. Реалноста всушност е дека карактеристичната одлика да немаат опашка кај овие мачки се јавила поради лимитираните можности за размножување и вкрстување на островот. Мутацијата на генот кој довел до ’рбетната деформација односно кусата опашка, се проширил низ заедницата и станал нормална појава. ’Рбетот бил буквално смален при што завршетокот со што завршува во вдлабнатина онаму каде што би требало да има опашка. Се раѓале и мачиња со мала отсечена опашка кои биле често нарекувани куси и набиени. Генот кој ја предизвикуваа оваа појава е сроден со генот spina bifida - спина бифида (вродена расцепеност на завршетокот на 'рбетниот столб) кај луѓето. Доколку се вкрстат женка и мажјак од овој вид, т.е. без опашка, некои од фетусите може и да не се развијат. Поради тоа, одгледувачите, често, во програмата за размножување вклучуваат видови на мачки со опашки. Како и да е, на изложбите за мачки, токму отсуството на опашката е главниот прифатен стандард по кој се оценува оваа раса мачки.

Опис

Манкс мачките се прифатени во сите бои и варијанти на крзно, освен со крзното кое има потемни обоени делови т.е. colourpoint крзното, и лилавото и чоколадното крзно не се прифатени од некои асоцијации. Крзното на овие мачки е двослојно, густо и полно (како ватирано). Негата за истото е лесна. Доволно е редовно да се четка. Очите им се големи, округли, а бојата одговара со бојата на крзното. Имаат јаки, воочливи црти. Образите се дебели, носето широко, а ушите истакнати. По карактер, тие се мирни, паметни, активни, верни, и сакаат да бидат со својот сопственик. Најпрепознатливата карактеристика на Манкс мачката е отсуството на опашка. Сепак, има варијанти на овие мачки кои имаат заостаната опашка, односно не целосно израсната, која е највоочлива кај црната Манкс мачка, а постојат и Манкс мачки со долга опашка кај кои опашката е скоро целосно израсната и ретко се разликуваат од нормалната домашна мачка. ВАРИЈАНТИ НА МАНКС: 1. Rumpy – има вдлабнатина онаму каде што би требало да има опашка. Ова е варијантата која е прифатена да учествува на изложби на мачки. 2. Rumpy riser – има неколку пршлени на крајот од ’рбетот. Ова е воочлива карактеристика, која може и да се почувствува на допир доколку постои двоумење, па оваа варијанта би била дисквалификувана на изложбите. Како и да е, постои за размножување. 3. Stumpy – има многу куса опашка која е подвижна. Ова е варијантата која дава подем на некои од кусоопашестите мачки. 4. Longy – има скоро целосна опашка во нормална должина, поради што оваа варијанта често пати не се разликува од обичната домашна мачка. 5. Cymric – е ретка варијанта со средна должина на крзно, која е подетално опишана во категоријата на мачки со средна должина на крзно.