Бурманска мачка

Темперамент

Големина и нега

Големина: Не е наведено во изворниот профил.

Не е наведено во изворниот профил.

Земја

Бурма, Тајланд

Класификација

Кафеава и набиена мачка со мазно крзно, доста слишна на современата бурманска мачка со педигре, е опишана уште во XVI век или порано, во еден тајландски ракопис наречен „Поеми за мачки“. Во овој ракопис бурманските мачки се опишани како бакарни мачки. Во раните 1900ти години, едно мало кафено маче од Бурма било однесено во Англија каде било опишано како чоколадно сијамско маче. Како и да е, мачето не било признаено како посбена раса, и не му било дозволено учество на изложбите заедно со традиционалната сијамска мачка со потемни делови во темнокафена боја, па расата не се развила. Создавањето на расата на денешната бурманска мачка најверојатно започнало во 1930те години. Во Сан Франциско, мало, кафено, женско, бурманско маче, кое најверојатно било хибрид сличен на денешната Tonkinese мачка, било вкрстено со сијамска мачка со темнокафеави потемни делови. Некои од мачињата кои се добиле биле со темнокафеаво крзно кои всушност и го формирале почетокот на официјалното размножување на бурманските мачки со педигре. Расата била регистрирана во 1936 година од страна на Американската фелинолошка федерација, а до доцните 1940ти бурманската мачка се здобила со огромна популарност и во Англија.

Крзно

Крзното е кусо, фино и мазно како сатен на допир, сјајно и припиено за телото. Крзното треба да се негува малку повеќе од редовно како што е кај повеќето други раси.

Карактеристики

Оваа раса на мачки е позната по нивниот прекрасен карактер, односно по нивниот весел дух и нината висока интелигенција. Тие се забавни и активни, друштвени и љубопитни и лесно се адаптираат на различни услови.

Опис

Иако генетски се скоро идентични со сијамските мачки, бурманските мачки се сепак потивки и со покомпактна градба. Нивното носе е исто така различно со тоа што има воочлив прелом или закривување. Бурманските мачки имаат пропорционални нозе, со тоа што задните нозе се нешто покуси од предните, а шепите се овални и уредни. Опашката е права и со средна должина, во основата подебела, а се стеснува кон крајот, завршувајќи со заоблен врв. Brown (Sable) Кафеава бурманска мачка Кафеавата бурманска мачака е вообичаената или оригиналната боја на крзно на бурманската мачка. Крзното треба да биде во топол и богат тон на кафена боја, а кожата на носот и шепите треба да одговараат односно да се во истата кафена боја. Чоколадната и шампањ варијантата кои се размножени нешто подоцна, имаат млечно-чоколадна боја на крзно. Некои мали бурмански мачиња може да имаат бледи траги и белези, но тие треба да исчезнат како што мачето созрева. Како и кај сите бурмански мачки со еднобојно крзно, крзното избледува за нијанса во основата односно коренот на влакната. Исто така, нешто потемни нијанси може да се забележат на ушите, рилката и опашката (што е слично со крзното на сијамската мачка каде потемно обоени се токму овие делови). Горната линија на очите на бурманската мачка се закосува во правец кон носот, а долната линија на окото е заоблена, што придава за специфичниот израз на оваа раса на мачки. Blue Сина бурманска мачка Првата сина бурманска мачка се добила во Англија од увезена американска мачка. Таа била бурманскиот еквивалент на сијамската мачка со сини потемни делови со која се генетски поврзани. Идеалната боја на крзното е нежна, сребрено-сина боја, со тоа што сребрениот ефект е поизразен на ушите, образите и шепите. Кожата на носот и шепите е розово-сивкаста. Lilac (Platinum) and Chocolate Лилава (платинеста) и чоколадна бурманска мачка Лилавата бурманска мачка, или платинеста како што е наречена во САД, е посветла „разредена“ варијанта на чоколадната (или шампањ) бурманската мачка. Овој вид бурманска мачка бил признат во раните 1970ти години. Крзното е во нежна нијанса на розово-сивкаста боја, а кожата на носето и шепите е розова-лилава како лаванда. Red Црвена бурманска мачка Идеалната црвена бурманска мачка има златни очи и портокалово-кремасто крзно. Иако шареникави делови на рилката се скоро неизбежни кај оваа варијанта поради портокаловиот ген кој ги допринесува шарите, останатиот ел од крзното треба да биде доследно, со усогласен тон и еднакво нијансирано. Круговите на нозете кај овие мачки се сметаат како мана и не се прифатени од судиите на изложбите за мачки. Кожата на носето и шепите е розова. Cream Кремаста бурманска мачка Овој вид бурманска мачка за прв пат била размножена во Англија во доцните 1960ти и раните 1970ти години. Кремастата бурманска мачка се добила како посветла, „разредена“ или осветлена, варијанта на црвената бурманска мачка. Повеќе се преферираат и поценети се кремастите бурмански мачки со темнозлатно очи, отколку оние со жолти очи. Идеалното крзно кај овој вид бурмански мачки е во еднаква нијанса на кремаста боја која малку се затемнува на ушите, рилката, шепите и опашката. Кожата на носето и шепите е розова. ЕДНОБОЈНИ: кафеаво, сино, чоколадно (шампањ), лилаво (платинесто), црвено, кремасто. ШАРЕНИ (Tortoiseshell): кафеаво, сино, чоколадно, лилаво.

Очи

Очите им се пораздвоени едно од друго, големи, округли и жолти или златни по боја.