Егзотична кратковлакнеста

Темперамент

Големина и нега

Големина: Не е наведено во изворниот профил.

Не е наведено во изворниот профил.

Земја

САД

Класификација

Целта која требала да се постигне со размножувањето на егзотичната мачка со кратко крзно (или едноставно егзотична мачка како што е позната во САД) била да се добие персиска мачка без долгото крзно што ќе ја олесни негата и грижата за крзното. Според изгледот на рилката, изразот, телото, формата, па дури и карактерот, овие мачки наликуваат целосно на персиските, а дури и боите и шарите на крзното се истите како и кај периските. Размножувачите на британската мачка со кратко крзно сакале да добијат мачка со помасивни коски и поинтензивни очи отколку да создадат нов вид од персиската мачка. Британската мачка со кратко крзно и периската мачка не се разликувале многу, па било возможно да се подобри расата. Како и да е, американските размножувачи немале голема залиха на гени од британските мачки со кратко крзно, па во програмата за размножување додале гени од бурманската мачка која била единствената раса на мачки со округла глава која тие ја имале на располагање. Нешто подоцна во програмата ја вклучиле и американската мачка со кратко крзно. Егзотичната мачка била успешно размножена во 1960 години. Од 1968 година, не било дозволено бурмската мачка и британската мачка со кратко крзно да учествуваат во размножувањето на егзотичната мачка во САД. Егзотичната мачка брзо станала популарна раса на мачки. Денес оваа егзотична мачка се размножува со секакви бои и шари на крзно.

Крзно

Крзното е со нешто подолго од крзното на другите мачки со кратко крзно кои припаѓаат на оваа група. Тоа е густо, мекано, плишано и бујно, а не припиено или право. Крзнот може да биде во билокоја боја и тоа може да биде еднобојно, двобојно или шарено во препознатливите шари на мачкино крзно како: tabby, tortoiseshell, colourpoint и shaded (нијансирано).

Опис

Ова се мачки со среден раст. Имаат кусо тело, куси и дебели нозе и големи шепи. Главата им е округла, со мало носе и мали, затапени ушиња кои се малку навалени нанапред и се поставени на големо растројание едно од друго. Очите треба да се големи, округли и светли. Бојата на очите треба да одговара на бојата на крзното. Кај оваа раса на мачки најбитна е јасноста и обликот на очи. Тоа е најстрогиот стандард по кој се оценува егзотичната мачка на изложбите за мачки. Очите не треба да бидат ниту малку закосени или пак да имаат трага на црвеникава боја на ирисот. Тимарењето на крзното на егзотичната мачка е лесно. Четкајте го и чешлајте го крзното темелно секој ден и тоа ќе изгледа се подобро. Чешлајте го крзното од опашката кон главата, односно во обратна насока од правецот на растење за истот да изгледа побујно, погусто и да не биде припено за телото. Егзотичната мачка ја поседува смиреноста и достоинственоста на персиската мачка, а сепак има и игрива страна. Таа е нежна, добра по природа, љубезна, но и љубопитна и весела. Толерантна е со децата и задоволна е кога е домашно милениче кои живее внатре во станот со семејството.