Рагдол

Темперамент

• мирна и послушна

Големина и нега

Големина: Не е наведено во изворниот профил.

Четкајте го крзното секој ден со мека четка.

Земја

САД

Класификација

Ragdoll во превод значи крпена кукла. Оваа раса мачки го добиле ова име поради тоа што кога ќе ја кренете во рака таа омлитавува, па чувството кога ја држите е исто како да држите мека крпена кукла која ве опушта. Постои бизарна приказна која вели дека првите Рагдол мачки ја наследиле оваа карактеристика, заедно со отпорноста на болка, затоа што нивната мајка со бело крзно со средна должина била повредена во сообраќајка. Секако, поверојатно е дека кроткиот темперамент на рагдол мачките произлегува од среќна случајност при наследување на карактерните гени. Расата била создадена во Калифорнија во 1963 година. Алтернативно име на почетокот било Херувим (Cherubim). Иако првиот размножувач на расата тврдел дека предците и родителите на рагдол мачката не се со педигре, доста е веројатно дека гени од бирманската мачка и бурманската мачката биле внесени во вкрстувањето во некоја фаза од процесот на размножување на рагдол расата.

Крзно

густо и свиленкасто

Темперамент

мирна и послушна

Опис

Рагдол мачката е крупна мачка со цврсто и моќно тело, со големи и округли шепи и долга и бушава опашка. Мажјаците може да тежат до 7 или 9 килограми. Главата и е широка, образите се доста одвоени еден од друг, носето е малку испакнато нанадвор, а очите се исто така доста оддалечени едно од друго, со средна големина, округли, малку закосени на краевите и во боја на сафир т.е. темно сини. Крзното е густо и свиленкасто. Трите признати шари на крзното кај рагдол мачките се: colourpoint или, mitted или bi-coloured. Шарата на крзното се дефинира целосно до втората година од нивниот живот. Colourpoint – колор поинт (определено боење) Оваа шара се состои од рилка, шепи и опашка во потемна боја, а останатиот дел од телото е во посветла боја. Mitted – мешана Мешаната шара на крзно е варијанта на колор поинт шарата, но покрај рилка, шепи и опашка во потемна боја, рагдол мачките со оваа шара треба да имаат бел преден дел на шепите на предните нозе кои изгледаат како ракавици, а задните нозе да се бели до зглобовите или повисоко. Вi-coloured – двобојна Двобојната шара на крзното се состои од бело боја на крзното на брадата која продолжува на градите, стомакот, телото одоздола и нозете. Рагдол мачките со оваа шара на крзното имаат и бел триаголник над носето односно имаат бело превртено V на рилката. Рагдол мачката е мирна и послушна мачка која ужива во друштвото на луѓето. Таа е кротка и опуштена мачка со која лесно ќе се справите. Потребен им е мир и тишина, па соодветни се за живот внатре во домот.

Негување

Четкајте го крзното секој ден со мека четка.