Норвешка шумска мачка

Темперамент

• внимателна и активна

Големина и нега

Големина: Не е наведено во изворниот профил.

Доволно е повремено четкање и чешлање.

Земја

Норвешка

Класификација

Норвешката шумска мачка е опишана како близок роднина на мејн кун мачката. Всушност, земјата од која потекнува потсетува на планинските и шумски предели во Мејн. Оваа норвешка шумска мачка потекнува и од фармите на Скандинавија каде израснала спонтано и природно во работна мачка која е цврсто гардена, со одлични способности за качување и ловење. Имаат двослојно крзно кое е подебело во зима и е и водоотпорно и ги чува од студ. Потеклото на норвешката шумска мачка се поврзува уште со Викинзите кои патувале низ Медитеранот, крај реките во Азија, и до источниот брег на Северна Америка. Така, веројатен е и изводлив фактот дека Викинзите ги пронашле ангора мачките во Турција и ги донеле назад во Скандинавија, а веројатно и во Америка. Затоа се верува дека норвешката шумска мачка и мејн кун мачката имаат исти предци и наликуваат толку една на друга. До 1930 година норвешката шумска мачка веќе сериозно се одгледувала и размножувала од љубители на педигреа во Норвешка што подоцна довело до создавање на првиот фелинолошки клуб во Норвешка, кој е воедно и еден од најстарите клубови, во 1938 година. Како и да е, во Европа расата била призната дури во 1977 година, а во Америка во 1993 година.

Крзно

густо, дебело и двослојно

Темперамент

внимателна и активна

Опис

Иако ова се големи мачки со цврсти и силни нозе, тие носат со себе и одредена елегантност. Главата им е триаголна и долга и права во профил. Ушите се големи, истакнати, шпицести, раширени и исправени. Очите им се големи, округли и може да бидат во било која боја. Исто како и Мејн кун мачките, и норвешките шумски мачки созреваат споро и може да достигнат старост до 4 години, а сѐ уште да не се целосно созреани. Крзното е густо, дебело и двослојно. Внатрешниот слој е волнен, а надворешниот слој е мазен, водоотпорен и со густа грива. Крзното е подебело во зима, и покрај тоа што е водоотпорно, тоа ги чува при различни временски услови и ги штити од суров студ. Богатиот набор на вратот и густото крзно на градите може да се митарат за време на летото. Дозволени се сите бои на крзно, освен лилава, чоколадна и двобојната шара како кај хималајската мачка (Colourpoint pattern). БОИ И ШАРИ Solid – солидна, еднобојна: бела, црна, сина, црвена или кремаста Tabby – шареникава: сите бои во вообичаената шара или шара како на скушата и секакви сиви варијанти Tortoiseshell – шара како оклопот на желката: сите бои во вообичаената шара или шара како на скушата и секакви сиви варијанти Негата за крзното на овие мачки е релативно лесна. Доволно е повремено четкање и чешлање. Норвешката шумска мачка е внимателна и активна. Ги сака луѓето и слободата и ужива да се качуваат по камења и дрва.

Негување

Доволно е повремено четкање и чешлање.