Турска ван

Темперамент

• паметни и љубезни

Големина и нега

Големина: Не е наведено во изворниот профил.

Доволно е секојдневно четкање и чешлање.

Земја

Турција

Класификација

Предците на турската ван мачка потекнуваат од југоисточна Турција, близу до најголемото езеро во државата, односно езерото Ван кое зафаќа површина од 3675 км2. Можеби ова е причината зошто оваа мачка ја сака водата. Позната е и како турската мачка-пливач. Според ова, очигледно е дека не е вистина дека сите мачки мразат вода, но овие турски ван мачки не само што поднесуваат вода, туку всушност тие и ќе бараат вода во која можат да си играат и да пливаат за рекреација. Во 1950 години, две англичанки кои биле во посета на областа крај езерото Ван си купиле мачка која била женка со бело крзно и костенливо-црвеникава боја на главата и опашката. Менаџерот на хотелот во Истанбул во кој тие отседнувале им кажал и за мажјак кој имал многу слична шара на крзното. Дамите купиле и мажјак, и ги однеле мачките во Англија каде по четири години успешно се размножиле мачиња со усогласена шара на крзното. Двете дами се вратиле во Турција за да купат уште две мачки, мажјак и женка, од истата раса, кои ќе ги додадат на генетскиот фонд, по што продолжило активно и успешно размножување на расата. Во Англија, расата за прв пат била призната во 1969 година како турска мачка, а подоцна името било сменето во турска ван мачка.

Крзно

бело, црвеникаво-костенливо обоена опашка

Темперамент

паметни и љубезни

Карактеристики

Покрај мазното крзно и белата боја на истото, никаква поврзаност со турската ангора мачка не е констатирано.

Опис

Турската ван мака е помускулеста (од турската ангора мачка), со долго и набиено тело со длабоки гради. Нозете и се со средна должина, со уредни, складни, крзнени и убаво заоблени шепи. Ушите им се исто така крзнени. Опашката е најдобриот и најубавиот дел од телото на оваа мачка. Таа е пропорционална со телото, слабо заоблена и покриена со густо крзно во црвеникаво-костенлива боја. Турската ван мачка има долг, прав и истакнат нос, големи, заоблени и изразити очи кои може да бидат во нијанса на килибар или сини или пак различни, односно едното портокалово, а другото сино. Совршеното крзно на турската ван мачка е бело како креда без никакви жолтеникави траги, со црвеникаво-костенливо обоена опашка и исто обоени делови на главата кои не достигаат под очите или под основата на упите одзади. Крзното е долго, мекано, свиленкасто и без волнен внатрешен слој. Тимарењето е релативно лесно. Доволно е секојдневно четкање и чешлање. Турците многу ја ценат оваа раса на мачки поради нивниот извонреден карактер и автентичното крзно. Тие се паметни и љубезни мачки кои лесно ќе ги придобијат сите во домот. Сакаат да бидат со луѓе и да ги придружуваат каде и да одат. Сакаат да си играат, да рипаат и да го истражат се што им е во досег. Енергични се, но можат да бидат и нервозни. Сакаат да си играат, но сакаат и да спијат цврсто. Познати се и специфични по тоа што сакаат вода и сакаат да пливаат. Не само што си играат и се шљпкаат во доа, туку тие сакаат и да пливаат во неа рекреативно.

Негување

Доволно е секојдневно четкање и чешлање.