Тоса ину

Темперамент

• моќно, бестрашни, верни, заштитнички, трпеливи, смирени, паметни

Големина и нега

Големина: Не е наведено во изворниот профил.

Тимарењето на крзното е едноставно. Не се митарат премногу. Доволно е повремено да го четкате краткото крзно за да се отстранат мртвите влакна и тоа да изгледа здраво. Почесто четкање ќе биде потребно во периодот на митарење.

Потекло

Тоса Ину било одгледувано како боречко куче. Тоа потекнува од провинцијата Тоса (на островот Шикоку). Јапонските одгледувачи некое време се обидувале да ги подобрат карактеристиките на расата Nihon Inu, (раса на кучиња со среден раст) за истите да можат да ловат диви свињи. За таа цел ги вкрстувале со повеќе западни раси како булдозите, мастифите, догите, бернардинците и бултериерите. Развојот на новата раса бил завршен во 1913 година и добиената раса била именувана Тоса Ину. За време на Втората светска војна опстанокот на расата бил загрозен, со опстанување на само десетина вакви кучиња. Иако доколку биле откриени ќе биле казнети со смрт, неколку посветени одгледувачи тајно чувале неколку Тоса Ину кучиња и ги прехранувале во период кога во Јапонија имало недостаток на храна. Токму на овие одгледувачи се должи опстанокот на расата.

Земја

Јапонија

Класификација

куче чувар

Крзно

Крзното на Тоса Ину кучињата е мазно, густо и кратко. Тоа може да биде во црвена, портокалова, жолто-кафеава и бледо црна боја. Дозволени се мали бели прамени на градите и нозете.

Тело

Телото е правоаголно и мускулесто. Грбот е прав. Градите се широки и длабоки со просечна оддалеченост на ребрата. Слабината е широка и мускулеста. Стомакот е убаво вовлечен. Грлото е високо, а вратот е со подбрадок. Ушите се високопоставени, тенки, мали (во споредба со големината на телото) и превиткани близу до образите. Очите се темносмеѓи и прилично мали. Опашката е високопоставена, дебела во основата, а се стеснува кон врвот и достигнува до подколеницата.

Боја

црвена, портокалова, жолто-кафеава, бледо црна боја

Висина

54,5 – 60,5 см.

Тежина

60 – 90 кг.

Грижа

Тимарењето на крзното е едноставно. Не се митарат премногу. Доволно е повремено да го четкате краткото крзно за да се отстранат мртвите влакна и тоа да изгледа здраво. Почесто четкање ќе биде потребно во периодот на митарење.

Карактер

Тоса Ину се бестрашни, верни, заштитнички, трпеливи, смирени и паметни кучиња. Бидејќи биле одгледувани како боречки кучиња тие знаат да бидат доста доминантни или агресивни кон други кучиња. Тие се извонредни кучиња-чувари, бидејќи доволна е само нивната големина и изглед за да го заплашат противникот. Генерално добро се сложуваат со децата и нема да гризаат или зграбуваат, но бидејќи се масивни кучиња би требало да ги надгледувате додека се со деца. Добро ќе се сложуваат со други домашни миленичиња со кои се запознале уште од мали. Внимателни се со туѓинци и треба да ги запознавате и дружите со различни луѓе за да не станат премногу сомничави, па дури и агресивни. Сопственикот на Тоса Ину треба да има искуство за да може да се справи со ова големо и моќно куче.

Дресура

Како и сопственикот, така и дресерот на Тоса Ину треба да има искуство за да може да се справува со ова масивно и силно куче. Многу е важно дресирањето да започне уште додека тоа е мало бидејќи многу брзо ќе израсне во масивно и моќно куче. Тоса Ину се многу подучливи кучиња, па со правилна дресура можете да ги истренирате тие да станат многу верни и заштитнички настроени придружници.

Темперамент

моќно, бестрашни, верни, заштитнички, трпеливи, смирени, паметни

Тренинг

Имаат просечна потреба за движење, но секогаш ќе бидат посреќни со повеќе. Многу е важно да имаат голем и добро ограден двор во кој ќе можат самите да се раздвижат онолку колку што им е потребно. Додека се сѐ уште мали и растат, движењето и вежбите треба да бидат ограничени за тие да се развијат правилно во здрави и силни кучиња со јаки коски и соодветна тежина.

Хипоалергеност

0

Животен век

10 - 12