Мазновлакнест фокс териер

Темперамент

• енергично, весело, паметно

Големина и нега

Големина: Не е наведено во изворниот профил.

Крзното треба да го четкате еднаш неделно со цврста четка и да го бањате само кога е неопходно.

Потекло

Прецизното потеклото на фокс териерот со мазно крзно со кратко влакно не е познато. Првиот доказ за нивното постоење доаѓа од еден портрет на вакво куче насликан во 1790 година. Според некои теории, фокс териерот со мазно крзно и фокс териерот со грубо крзно се варијанти на иста раса кои биле вкрстени во 1980 години. Другата претпоставка е дека фокс териерот со мазно крзно потекнува од териерот со мазно црно-жолто крзно, биглот и бултериерот, додека фокс териерот со грубо крзно потекнува од црно-жолтиот териер со грубо крзно. Фокс териерот со мазно крзно бил познат по бркање лисици од своите скривалишта за да можат да бидат ловени. И двете варијанти, и фокс териерот со мазно крзно и фокс териерот со грубо крзно биле признати како посебна раса во 1885 година.

Земја

Англија

Класификација

ловџиско куче и домашно милениче

Крзно

Двете варијанти од оваа раса кучиња се сосем идентични освен во нивното крзно. Варијантата Smooth Fox Terrier има кратко, мазно, цврсто и густо крзно. Крзното има бела основа со црни и жолти белези. Фокс териерите со мазно крзно имаат обоено или полу обоено лице со бела линија или друга боја само на очите и на ушите. Овие териери доста се митрат (повеќе од варијантата со грубо крзно).

Тело

Градите се длабоки, но не и многу широки. Грбот е краток, прав и цврст. Имаат типична конусна муцка, мали темни очи, високопоставени уши во V форма кои се превиткани нанапред, високопоставена, права опашка која најчесто се носи исправена и подигната и често е скратена и заоблени шепи.

Боја

бела со црни и жолти белези

Висина

37 – 40 см.

Тежина

7 – 8 кг.

Грижа

Крзното треба да го четкате еднаш неделно со цврста четка и да го бањате само кога е неопходно.

Карактер

Фокс териерот е енергичен, весел и паметен. Многу лесно се возбудуваат и знаат д абидат доста бучни. Поради нивната интелигенција лесно ќе ги дресирате, но потребно ќе биде соодветно тренирање за да го зауздате нивниот инстинкт за ловење. Фокс териерите се предани домашни миленици и лесно се адаптираат на домашниот живот. Одлично се сложуваат со децата, но добро би било да ги надгледувате, бидејќи знаат да касаат. Доколку ги игнорирате или не се раздвижуваат доволно може да станат непослушни, да лаат, копаат, да го гризаат мебелот, па дури и да се обидат да побегнат. Бидејќи можат лесно да се степаат со други кучиња, се препорачува да ги социјализирате уште додека се мали.

Дресура

Фокс териерот ќе треба да го дресирате за послушност уште како мало кутре. Пристапот треба да биде доследен. Понекогаш тие може да го предизвикаат вашиот авторитет.

Темперамент

енергично, весело, паметно

Тренинг

На фокс териерите им е потребна умерена раздвиженост. Знаат да протестираат односно да се побунат гласно доколку ги оставите сами во дворот или ги врзете. Најдобро е да ги водите на прошетка или да ги оставате да си играат во добро ограден двор. Доколку не ја задоволат својата потреба за движење и не ја потрошат својата енергија тие може да станат непослушни, па дури и деструктивни.

Заболувања

Воглавно ова се здрави кучиња, но некои од нив се подложни на проблеми со очите и глувост.

Хипоалергеност

2

Животен век

15 - 17