Керн териер

Темперамент

• енергични, забавни, друштвени, храбри, верни, лојални

Големина и нега

Големина: Не е наведено во изворниот профил.

Крзното на Керн териерот треба да се тимари редовно. Треба да се четка неколку пати неделно за да се спречи митарење. Треба да се бањаат еднаш месечно и крзното да се чешла додека е мокро. Не се стрижат, бидејќи стрижењето може да го оштети крзното.

Потекло

Керн териерот се смета за една од најстарите раси од видовите териери. Тие потекнуваат од Шкотските Гори или Шкотскиот планински крај и островот Скаи (Isle of Skye). Порано тие се сметале за иста раса заедно со шкотскиот териер и западно шкотскиот бел териер. Во 1900 години овие три раси биле одделени и сметани како засебни индивидуални раси. Ловци на стаорци била основната улога на Керн териерите. Фармерите ги чувале за да ги фаќаат малите штетници како глувците, стаорците, па и вервериците. Овие кучиња до 1909 година биле познати под името кратковлакнест Скаи териер (Short-haired Skye Terrier), но името не било многу звушно, па одгледувачит се сложиле да им го дадат името Керн териери. Се одлучиле да им го дадат ова име по честите могили (купишта камења кои на англиски се нарекуваат cairns) кои луѓето ги правеле за да ги обележат живеалиштата односно скривалиштата на лисиците и јазовците низ Шкотска. А Керн териерите доста умешно се протнувале во тие скривалишта и го бркале пленот за фармерите да го уловат. Најпознатиот Керн териер кој сите го знаеме е кучето Тото од „Волшебникот од Оз“.

Земја

Шкотска

Класификација

домашно милениче

Крзно

Керн териерите имаат двослојно крзно кое е отпорно на различни временски услови. Крзното може да биде во скоро секоја боја, освен белата. Како и да е, најчести бои се црна, кафеаво-жолта, црвена, сива и песок боја. Крзното околу рилката, на ушите и на врвот на опашката има потемни прамени. Бојата на крзното на овие кучиња се менува често низ годините, па така може со години да не знаете која е конечната боја на крзното на вашиот Керн териер. Крзното изгледа бушаво и откако ќе го исчешлате.

Тело

Телото им е компактно со просечна должина, рамен грб, закосени раменици и цврста и еластична слабина. Ушите се мали, заострени и подигнати, а опашката е кратка, густа, но не пердувеста или весела.

Боја

црна, кафеаво-жолта, црвена, сива, песок боја

Висина

25 – 30 см.

Тежина

6 – 7,5 кг.

Грижа

Крзното на Керн териерот треба да се тимари редовно. Треба да се четка неколку пати неделно за да се спречи митарење. Треба да се бањаат еднаш месечно и крзното да се чешла додека е мокро. Не се стрижат, бидејќи стрижењето може да го оштети крзното.

Карактер

Керн териерите се енергични, забавни и друштвени кучиња кои биле родени да ловат. Тие се и самостојни, но сепак посветени на својата фамилија. Тие биле одгледувани да ловат стаорци и слични штетници, па ќе имаат склоност кон копање. Тие се исто така и добри чувари, бидејќи ќе лаат кога тоа ќе биде потребно. Сепак, не е невообичаено тие да лаат и кога се осамени или кога им е досадно. Со нив треба да бидете построг сопственик, бидејќи доколку им дозволите да мислат дека се главни ќе станат тврдоглави, повлечени, ќе почнат да се двојат, да гризаат и ’ржат. Како и да е, Керн териерите се весели и ќе ви бидат фин придружник. Познато е дека добро се сложуваат со децата и сакаат да си играат со нив. Сепак не се препорачуваат како домашни миленици во домови каде има многу мали деца, бидејќи нема да толерираат тормозење. Бидејќи имаат природен инстинкт за ловење, може да ги бркаат малите домашни миленици во домот или дворот. За нив се вели дека се големи кучиња во мало тело, бидејќи тие ќе им се спротистават и на доста поголеми од нив кучиња без премислување или отстапување. Поради тоа што ваквите случки најчесто не завршуваат добро за Керн териерите најдобро е секогаш да ги водите на ремен или да ги чувате во добро ограден простор.

Дресура

Дресерот треба да биде строг, но никогаш груб. Се препорачува оваа раса на кучиња да ја водите на часови за послушност, бидејќи знаат да бидат тврдоглави и самостојни.

Темперамент

енергични, забавни, друштвени, храбри, верни, лојални

Тренинг

Керн териерите се доста енергични, па ќе мора да имаат повеќе можности да трчаат, скокаат и да си играат за да ја потрошат својата енергија. Потребно е да ги водите на секојдневни редовни прошетки. Оставете ги да трчаат и да си играат на отворен простор, но добро би било пред да го направите тоа да бидете сигурни дека се добро издресирани да се вратат откако ќе ги повикате за да не ви избегаат. Бидејќи имаат склоност кон копање тие не би биле соодветен домашен миленик за осетливи и предани градинари кои ја одржуваат својата градина.

Исхрана

Немаат голем апетит. Јадат многу малку. И ќе јадат што и да им понудите.

Хипоалергеност

1

Животен век

12 - 15