Карелиско куче за мечки

Темперамент

• паметно, самостојно, енергично, верно, храбро

Големина и нега

Големина: Не е наведено во изворниот профил.

Крзното е отпорно на различни временски услови кое е лесно да се негува. За време на митарењето треба да се користи метален чешел кој ќе продре длабоко во внатрешното крзно за убаво да се отстранат мртвите влакна. Се митарат просечно.

Потекло

Карелскиот терач на мечки е раса на кучиња која потекнува од Финска. Областта во северна Европа која порано била позната под името Карелија секогаш изобилувала со големи и издржливи кучиња кои биле соодветни за лов на крупен дивеч. Први податоци за постоење на вакви кучиња се забележуваат уште од пред илјадници години кога овие кучиња биле дел од финските племиња кои се населувале на територијата на денешна Финска. Овие рани племенски заедници преживувале од лов, па карелиски кучиња биле доста ценети и важни за племињата, бидејќи тие биле храбри и издржливи кучиња кои биле способни да се справат со големи животни како волци, диви мачки и мечки. Оваа раса прв пат била прикажана на изложба на кучиња во Хелсинки во 1936. За време на Втората светска војна биле на работ на истребување, па сите карелиски кучиња кои денес постојат потекнуваат од 40 вакви кучиња кои биле пронајдени и спасени по војната. На почетокот тие биле доста популарни, но во шеесетите нивната популарност опаднала. Денес нивната популарност се повеќе расте и тие се одгледуваат и во Северна Америка и во Европа. Карелските кучиња се ценети ловџиски кучиња кои се одлични придружници и заштитници кога се оди во лов, затоа што се безмилосни ловци на елени, диви свињи, лосови и зајаци, а се доста спретни и бестрашни кучиња кои ќе се соочат дури и со волци, диви мачки и мечки.

Земја

Финска

Класификација

ловџиско куче за лов на голем дивеч (вклучувајќи и мечки)

Крзно

Крзното на овие кучиња е двослојно. Надворешното крзно е густо со кратки и прави влакна, а внатрешното е густо и меко. Бојата на крзното е црно-бела.

Боја

црно-бела

Висина

48 – 58 см.

Тежина

20 – 23 кг.

Грижа

Крзното е отпорно на различни временски услови кое е лесно да се негува. За време на митарењето треба да се користи метален чешел кој ќе продре длабоко во внатрешното крзно за убаво да се отстранат мртвите влакна. Се митарат просечно.

Карактер

Карелискиот терач на мечки е куче кое има добра смисла за хумор. Тоа е самостојно, енергично и силно куче. Може да лови секаков вид на животни, па дури и крупен дивеч и тоа ќе го прави одлучно и многу храбро. Тоа е многу верно на својот сопственик и фамилијата која го чува што го прави прекрасен домашен миленик (доколку е правилно дресирано). Љубезно е кон луѓето кои ги познава, но туѓинците ќе ги третира ладно. Ќе најави кога доаѓаат посетители во домот, но не е добро куче чувар. Знае да биде недруштвено со други кучиња. Многу е доминантно и нема да се откаже од својот став за да избегне тепачка. Може да живее со други домашни миленичиња доколку е соодветно дресирано и социјализирано. Ова е куче кое е многу заштитнички настроено, па ќе ја заштитува фамилијата и со својот живот ако е тоа потребно. Карелиското куче не се препорачува за сопственици без искуство.

Дресура

Ваквите кучиња треба да се дресираат од страна на искусен дресер кој е авторитетен. Правилна дресура и соодветна социјализација се неопходни. Дресирањето треба да биде доследно, строго, но и љубезно.

Темперамент

паметно, самостојно, енергично, верно, храбро

Тренинг

Овие кучиња се многу енергични, па потребно им е повеќе движење. Потребно е најмалку саат време секојдневно раздвижување и вежби. Вежбите нека вклучуваат брзи прошетки. Доколку овие кучиња не се движат доволно им станува досадно и стануваат деструктивни. Бидејќи сакаат да ловат и секогаш постои ризик да оттрчаат за да бркаат и ловат некое животно, најдобро е да ги чувате во добро ограден двор. Овие кучиња не се соодветни за живот во стан. Потребен им е простор на кој ќе можат да се растрчаат и движат слободно. Не сакаат и нема да се однесуваат добро доколку ги затворите, врзете или потчините.

Хипоалергеност

2

Животен век

10 – 12