Норвешки елкхаунд

Темперамент

• паметни, храбри и самостојни

Големина и нега

Големина: Не е наведено во изворниот профил.

Крзното на овие кучиња не бара премногу негување, освен во периодот на митарење кога е најдобро крзното да се четка со чешел со двоен ред на метални запци за да се продре длабоко до внатрешното крзно и убаво да се отстранат мртвите влакна. Крзното не го оддава типичниот кучешки мирис.

Потекло

Норвешките терачи на лосови се една од најстарите раси на кучиња. Податоците за потеклото и постоењето на оваа раса на кучиња се поврзуваат со времето на Викинзите. Потеклото на расата датира уште од пред 6000 години на територијата на Скандинавија. Се верува дури дека скелетите на кучиња пронајдени од Ледената доба наликуваат на овие норвешки терачи на лосови. Овие кучиња се користеле за лов на крупен дивеч како елени, лосови и мечки. Нивното име, Norwegian Elkhound (“Norsk Elghund”), во превод значи терач на лосови. Тие исто така биле и одлични влечни кучиња. Американскиот кинолошки клун за прв пат ја признал оваа раса во 1913 година. Денес тие ретко се користат како ловџиски кучиња, но поради нивната шармантна природа тие се популарни домашни миленици.

Земја

Норвешка

Класификација

ловџиско куче

Крзно

Крзното на овие кучиња е отпорно и на најсуровите временски услови. Тоа е двослојно крзно кое однадвор е густо и грубо на допир, а одвнатре е густо, меко и волнено. Крзното е во сива боја со црна боја на врвовите, односно на ушите, рилката и врвот на опашката. Малите кутриња се раѓаат со целосно црно крзно кое ќе избледи за околу една недела.

Тело

Норвешкиот терач на лосови има силно и квадратно тело со горделив изглед. Имаат длабоки и широки гради и добро заоблени ребра. Слабината е мускулеста. Ушите се мали, високопоставени, исправени и шпицести. Опашката пак е високопоставена, густа и превиткана над грбот.

Боја

сива

Висина

42 – 52 см.

Тежина

20 – 23 кг.

Грижа

Крзното на овие кучиња не бара премногу негување, освен во периодот на митарење кога е најдобро крзното да се четка со чешел со двоен ред на метални запци за да се продре длабоко до внатрешното крзно и убаво да се отстранат мртвите влакна. Крзното не го оддава типичниот кучешки мирис.

Карактер

Норвешките терачи на лосови се паметни, храбри и самостојни кучиња. Тие се друштвени и верни кучиња кои го сакаат човечкото друштво, па ќе ви бидат одлични придружници и прекрасни домашни миленици. Добро се сложуваат и со децата и со други кучиња. Како и да е, бидејќи ова е раса на ловџиски кучиња, не се препорачува да живеат со други помали домашни миленици како хрчаци, зајаци и слично. Доколку сакате да живеат со други домашни миленици, да се сложуваат со нив и да не ги бркаат, ќе биде потребно добро да ги социјализирате уште од мали и правилно да ги дресирате. Претпазливи се со туѓинци, но не се добри чувари. Пријателите на семејството ќе ги пречекаат со ентузијазам. Ќе се приврзат со целото семејство, но особено ќе бидат неразделни од својот лидер и газда на чиј глас се доста осетливи. Лесно ќе ги повредите нивните чувства ако ги оставите сами и се почувствуваат напуштено.

Дресура

Овие кучиња иако се доста паметни, тие се и многу самостојни кучиња, па дресирањето може да биде предизвик. Лесно ќе ги научат командите, но може да не ги следат и почитуваат постојано како на пример кога во близина ќе има нешто што за нив е поинтересно. Дресерот и сопственикот треба да биде строг и да покаже кој е главен. Треба да се постават строги правила кои ваквото куче ќе ги следи за да се избегне лошо однесување. Дресерот треба да ги постави условите и правилата јасно за на ваквото куче да му биде јасно кој е главен, кои се членовите на семејството, и колку е важно да се почитуваат комадните. Олеснителна околност е што овие кучиња се осетливи на гласот и тонот на нивниот дресер или сопственик.

Темперамент

паметни, храбри и самостојни

Тренинг

На овие кучиња им е потребно многу движење и многу вежби. Не би било фер да го ограничувате нивното движење на неколку прошетки дневно, бидејќи доколку можат тие постојано би биле во движење. Доколку не се доволно раздвижени, тие можат да станат деструктивни. Овие кучиња се најсоодветни домашни миленици за оние сопственици кои моат да ги водат на лов.

Исхрана

Овие кучиња имаат голем апетит, па ќе треба добро да ги планирате нивните одброци за да не се здебелат премногу.

Хипоалергеност

2

Животен век

12 - 15