Чау чау

Темперамент

• верни, паметни, храбри и благородни, самостојни, сталожени, активни, посесивни

Големина и нега

Големина: Не е наведено во изворниот профил.

Крзното на овие кучиња треба да се тимари многу. Негата е покомплицирана. Потребно е често четкање кое нема да биде многу лесно затоа што крзното е многу густо и плишано.

Потекло

Чау Чау е член на шпиц фамилијата на кучиња. Се верува дека овој вид на кучиња се добил со вкрстување на тибетскиот мастиф и самоједот. Првите податоци за нивно постоење датираат уште од 150 година п.н.е за време на владеењето на Хан династијата во Кина. Се вели дека некој кинески император поседувал дури 2500 вакви кучиња што е една од најголемите запишани бројки за поседување на исти кучиња од еден одгледувач. Овие кучиња биле одгледувани за храна и поради нивното крзно. Во 1880 година тие биле однесени во Англија каде и името Chow Chow им било припишано. Се вели дека името го добиле или по англискиот збор „сhow“ што во превод значи храна или пак значењето на Chow Chow било ‘knicknack’ што значи играчка, а го припишале токму ова значење поради тоа што овие кучиња им претставувале ориентална занимливост. Во Кина тие се познати под името ‘Songshi Quan’ што во превод значи бушаво лавовско куче. Подоцна тие биле извезени и во Америка каде станале доста популарни. Во 1980 години тие станале шестата најпопуларна раса на кучиња во Америка. За жал, денес, во некои региони во Кина овие кучиња сѐ уште претставуваат храна.

Земја

Кина

Класификација

домашно милениче

Крзно

Постојат две варијанти на Чау Чау кучиња. Разликата е во крзното. Едната варијанта има долго, право и грубо крзно, а другата варијанта има кратко и мазно крзно. И двата вида на крзно се многу густи и се погусти и подебели на вратот што прави да изгледа дека овие кучиња имаат грива. Крзното може да биде во било која боја, но треба да биде еднобојно, а не повеќебојно. Најчести бои се: смеѓа, црвена и црна.

Тело

Чау Чау се крупни кучиња кои во профил изгледаат правоаголно. Имат длабоки и широки гради, кус и прав грб, цврста половина и мускулести раменици. Имаат голема и широка глава со мали, тираголни уши и дебели крзнени брчки над очите. Овие кучиња се препознатливи по црната внатрешност на устата и црниот јазик. Опашката е високопоставена, густа и бушава и се носи на грбот. Шепите им се округли, а задните нозе невообичаено исправени.

Боја

смеѓа

Висина

46 – 56 см.

Тежина

20 – 35 кг.

Грижа

Крзното на овие кучиња треба да се тимари многу. Негата е покомплицирана. Потребно е често четкање кое нема да биде многу лесно затоа што крзното е многу густо и плишано.

Карактер

Чау Чау се верни, паметни, храбри и благородни кучиња. Тие се и самостојни, сталожени и активни. Тие се најчесто поповрзани со еден член од фамилијата, но добро се сложуваат со целата фамилија и со децата. Тие се добри кучиња-чувари, бидејќи се посесивни кон својата фамилија и дом. Знаат да бидат доста незгодни со туѓинци, но не и агресивни. Може да се однесуваат доминантно кон други кучиња. Со други домашни миленичиња ќе треба да ги запознаете уште додека се мали. Можат да поминуваат доста време сами.

Дресура

Овие кучиња не се познати како најпослушните кучиња на светот, но некои од нив ќе научат што барате од нив доста брзо. Некои експерти велат дека варијантата со кратко крзно учат доста побрзо од варијантата со долго крзно. Како и да е, дресирањето треба да биде доследно и строго. Некои Чау Чау кучиња може да одбиваат да им ставите ремен или синџир.

Темперамент

верни, паметни, храбри и благородни, самостојни, сталожени, активни, посесивни

Тренинг

Чау Чау кучињата немаат голема потреба за движење и вежби, но уживаат да бидат надвор. Не се движат многу брзо, па понекогаш нивното одење може да ви изгледа и вкочането и круто. Ќе се задоволат со секојдневна прошетка низ дворот. Во лето им е потребно поладно место за одмор, бидејќи не ја поднесуваат многу топлината. Ова се кучиња кои се соодветни за живот во стан.

Заболувања

Оваа раса на кучиња се доста подложни на разместување на колкот и слични болести со колената и зглобовите. Добро ќе биде редовно да ги носите на ветеринар за проверка.

Хипоалергеност

0

Животен век

11 - 16