Бладхаунд

Темперамент

• љубезни, нежни, весели, самостојни, трпеливи, добродушни

Големина и нега

Големина: Не е наведено во изворниот профил.

Тимарењето на крзното на овие кучиња е едноставно. Доволно е да ги четкате од време на време. Важно е да им ги проверувате и чистите ушите од нечистотија за да не се создадат инфекции, а повремено можеби ќе треба и да ги миете доколку на пример им западнат во чинијата со јадење. Бањајте ги кучињата цели само кога тоа е неопходно.

Потекло

Овие кучиња потекнуваат од азиските мастифи, а се верува дека стигнале во Франција заедно со Римјаните. Во осмиот век, свештеникот Св. Хуберт одгледувал повеќе вакви кучиња поради што долго време тие биле познати под името хртовите на Св. Хуберт. Отприлика четири века подоцна се верува дека биле однесени во Британија. Овие кучиња-трагачи имаат извонреден осет за мирис кој не може да се спореди со ниту една друга раса на кучиња. Познати се како кучиња кои се способни да следат трага постара од 100 часови. Откако ја добиле титулата како најдобри трагачи меѓу кучињата тие станале бесценети за полицијата. Тие се исто така биле ценети поради нивната нежност и неагресивност кон жртвите при полициските мисии на трагање.

Земја

Белгија

Класификација

куче-трагач и домашно милениче

Крзно

Кучињата-трагачи имаат кратко, цврсто и мазно крзно. Тоа исто така е и водоотпорно. Кожата е доста разлабавена. Бојата на крзното може да биде црвена, црно-црвена или кафеаво-црвена.

Тело

Телото на овие кучиња-трагачи е големо и цврсто. Изгледа масивно и моќно. Имаат широк грб, мускулести и закосени раменици и малку подигнат стомак. Рилката е долга и со збрчкана кожа, ушите се нископоставени, долги, тенки, меки и виснати, а опашката е високопоставена, долга, права, подебела во основата, а се стеснува кон врвот и се носи исправена кога кучето е во акција. Долгите уши го блокираат ветрот кога кучето ја њушка земјата, а збрчканата кожа на рилката е тоа што на овие кучиња им помага да ги задржат подогло време загубените мирисни честички кои ги уловиле.

Боја

црвена, црно-црвена или кафеаво-црвена

Висина

62 – 68 см.

Тежина

40 – 54 кг.

Грижа

Тимарењето на крзното на овие кучиња е едноставно. Доволно е да ги четкате од време на време. Важно е да им ги проверувате и чистите ушите од нечистотија за да не се создадат инфекции, а повремено можеби ќе треба и да ги миете доколку на пример им западнат во чинијата со јадење. Бањајте ги кучињата цели само кога тоа е неопходно.

Карактер

Ова се љубезни, нежни, весели, самостојни, трпеливи и добродушни кучиња. Најчесто се друштвени, но знаат да бидат и многу чувствителни и резервирани. Секогаш се желни да му удоволат на својот сопственик. Некои од овие кучиња љубезно ќе ги прифатат посетителите и туѓинците, додека некои ќе бидат многу заштитнички настроени кон својот дом. Тие уживаат да се дружат со децата, но важно е да не им досадуваат премногу или да ги повредат затоа што тие ќе го прифата тоа без да се одбранат на билокаков начин што не е воопшто фер кон кучето. Внатре во домот тие се смирени и се релаксираат, но кога се надвор или трагаат тие се неуморни и многу претпазливи. Дури и да не ловите изгубени траги, овие кучиња ќе ви бидат прекрасни домашни миленици.

Дресура

И покрај тоа што тие се желни да му удоволат на својот сопственик, најдобро е дресирањето да биде доследно, бидејќи тие знаат да бидат и доста тврдоглави. Ќе ви биде потребно повеќе трпение и обѕирност при дресирањето. Овие кучиња се чувствителни на тонот на гласот на дресерот, па најдобро би било пристапот да е строг и одобрувачки. Потешко ќе ги научите да уринираат на одреденото место.

Темперамент

љубезни, нежни, весели, самостојни, трпеливи, добродушни

Тренинг

Овие кучиња имаат доста енергија и можат да четаат со часови, па неопходно е редовно раздвижување и вежби за да ја задоволат својата потреба за движење и да ја потрошат својата енергија. Водете ги на ремен кога ги шетате, или оставајте ги во добро ограден простор кога си играат, бидејќи тие се кучиња-трагачи кои кога ќе нањушкаат некој за нив интересен мирис тие ќе сакаат да го следат.

Исхрана

Оваа раса на кучиња се лакоми јадачи, па пазете на нивната исхрана за да не се здебелат премногу и редовно раздвижувајте ги за да останат во форма. Најдобро е да им давате по неколку помали оброци на ден и не ги изнесувајте да шетаат одма по оброкот, туку подоцна.

Заболувања

Овие кучиња се подложни на надувување на стомакот и не можат лесно да се ослободат од вишокот гасови поради анатомски причини, па ќе треба почесто да ги носите на ветеринар за овие проблеми да не доведат до сериозно заболување. Коските на овие кучиња се доста големи и низ генерациите тие страдале од повреди на колкот кои го отежнувале нивното движење и трагање, па се препорачува купувањето на вакви кучиња да биде од угледен одгледувач.

Хипоалергеност

2

Животен век

10 – 12