Далматинец

Темперамент

• друштвени, весели, енергични, љубезни

Големина и нега

Големина: Не е наведено во изворниот профил.

Кога далматинецот се митари крзното треба да се поминува секој ден со гумена ракавица за да се отстранат мртвите и оштетени влакна. Далматинците живеат околку 10 до 13 години, а имаат богати легла кои може да бројат дури до 15 кутриња.

Потекло

Оваа раса на кучиња потекнува од Хрватска, поточно од областа Далмација по која и го добиле своето име. Познато е дека тие постоеле уште во 1500 години или нешто порано, иако под нивното име како Далматинци тие се познати од 1800 години. Во почетокот тие биле одгледувани како кучиња-чувари, а подоцна станале и одлични ретривери и омилени домашни миленици. Многу често далматинците се поврзуваат со пожарникарските домови каде тие се ценети поради нивната верност и преданост. Популарноста на расата најмногу пораснала по издавањето на дизниевиот цртан филм „101 далматинец“.

Земја

Хрватска

Класификација

домашно милениче

Крзно

Крзното на далматинците е кратко. Сигурно ви е познато дека шарата на крзното е бела со црни точки. Точките не треба да се преклопуваат и најчесто се со дијаметар од 2-3 сантиметри. Малите кутриња се раѓаат со чисто бело крзно, а точките се појавуваат во првите неколку недели. Се митарат обилно околу еднаш годишно.

Тело

Мажјаците се нешто повисоки од женките. Телото им е мускулесто и витко. Шепите се округли, а ушите се тенки и високопоставени.

Боја

бела со црни или темнокафеави точки

Висина

64 – 66 см.

Тежина

15 – 32 кг.

Грижа

Кога далматинецот се митари крзното треба да се поминува секој ден со гумена ракавица за да се отстранат мртвите и оштетени влакна. Далматинците живеат околку 10 до 13 години, а имаат богати легла кои може да бројат дури до 15 кутриња.

Карактер

Далматинците се друштвени, весели, енергични и љубезни кучиња. Тие се и силни и вредни кучиња кои се многу издржливи. Сакаат да си играат и да трчаат многу брзо. Тие се одлично друштво на децата, иако за многу малите деца можат да бидат многу жестоки и бучни. Добро се сложуваат со други кучиња и други домашни миленици, но како и да е, се препорачува да ги социјализирате уште додека се мали кутриња. Вообичаено тие се многу љубезни и ги сакаат луѓето и коњите, а со туѓинците се претпазливи. Го сакаат човековото друштво, па не е добра идеја да ги оставате сами во подрум или двор.

Дресура

Дресирањето на далматинците треба да биде доследно, усогласено и постојано. Добро реагираат на позитивно поттикнување со награди откако ќе направат нешто како што треба. Овие кучиња се многу чувствителни и имаат добра меморија, па долго ќе памтат доколку лошо ги третирате или казнувате. Суровите методи нема да имаат никаков позитивен ефект. Се препорачуваат нежни поправки. Бидејќи далматинците имаа силна и цврста волја се препорачува сопствениците кои ќе изберат далматинец за домашен миленик да бидат искусни.

Темперамент

друштвени, весели, енергични, љубезни

Тренинг

Далматинците се адаптираат на активностите на фамилијата. Како и да е, бидејќи се полни со енергија, тие се најсреќни кога ќе се истрчаат слободно.

Заболувања

Далматинците се склони кон оглувување, па најдобро ќе биде да ги тестирате на секои пет, шест недели.

Хипоалергеност

2

Животен век

10 – 13