Германски кратковлакнест птичар

Темперамент

• паметни, активни, друштвени

Големина и нега

Големина: Не е наведено во изворниот профил.

Доволно е повремено да го четкате краткото крзно на овој германски птичар за тоа да изгледа уредно и здраво. Од време на време проверувајте ги и чистете им ги ушите за да спречите создавање на инфекции. Бањајте ги само кога тоа е неопходно. Германските птичари брзо се здебелуваат, па внимавајте на нивната исхрана за да не станат прекумерно тешки. Доколку правилно ги храните и доволно се движат нивниот стомак треба да биде малку вовлечен позади градниот кош. Давајте им повеќе вода, особено при движење и вежбање, затоа што можат брзо да дехидрираат. Овие кучиња може да живеат надвор доколку имаат топло засолниште и мек кревет за спиење, но како и да е тие преферираат да се внатре во домот заедно со фамилијата. Добро оградете го дворот со висока ограда затоа што германските птичари се добри скокачи, па може да излезат од дворот и да заталкаат или настрадаат.

Потекло

Германскиот птичар со кратко крзно е германска раса која е добиена во XVII век со внимателно вкрстување на шпанскиот птичар, италијанскиот птичар, лисичарот и Hannover Hound. Првенствено биле одгледувани поради нивната функција, а не и форма, но подоцна биле биле вкрстени со обичниот птичар и се здобиле со стил, брзина и подобар осет за мирис. Крајниот резултат бил лесно прилагодливо ловџиско куче кое е спосебно за трагање, следење, пронаоѓање, враќање, па и убивање на ранетиот плен кога тоа било потребно. Два германски птичари од XIX век по име Неро и Треф, кои биле успешни тркачи, се сметаат за родители на денешната варијанта на германски птичари. Овие кучиња за прв пат биле однесени во Америка во 1920 години, а признати од американскиот кинолошки клуб во 1930 година. Денес, германскиот птичар е популарно ловџиско куче и умерено популарно куче за изложби и домашно милениче.

Земја

Германија

Класификација

ловџиско куче и домашно милениче

Крзно

Германскиот птичар има право крзно со густ и водоотпорен внатрешен слој. Бојата на крзното е темнокафеава или црна со бели, кафеави или жолти белези. Повеќето германски птичари имаат еднобојна глава и кафено или црно крзно со бели шари на останатиот дел од телото, или обратно.

Тело

Германскиот птичар е мускулест, цврст и грациозен. Рамениците се мускулести и закосени. Грбот е кус, прав и цврст. Вратот е широк и долг. Имаат голем кафеав нос, високопоставени уши кои се широки во основата, а заоблени на врвовите и висат прави покрај образите, високопоставена опашка која најчесто е кастрена, и шепи со мембрана меѓу прстите.

Боја

црно или темнокафеаво со бели шарки

Висина

58 – 66 см.

Грижа

Доволно е повремено да го четкате краткото крзно на овој германски птичар за тоа да изгледа уредно и здраво. Од време на време проверувајте ги и чистете им ги ушите за да спречите создавање на инфекции. Бањајте ги само кога тоа е неопходно. Германските птичари брзо се здебелуваат, па внимавајте на нивната исхрана за да не станат прекумерно тешки. Доколку правилно ги храните и доволно се движат нивниот стомак треба да биде малку вовлечен позади градниот кош. Давајте им повеќе вода, особено при движење и вежбање, затоа што можат брзо да дехидрираат. Овие кучиња може да живеат надвор доколку имаат топло засолниште и мек кревет за спиење, но како и да е тие преферираат да се внатре во домот заедно со фамилијата. Добро оградете го дворот со висока ограда затоа што германските птичари се добри скокачи, па може да излезат од дворот и да заталкаат или настрадаат.

Карактер

Германските птичари со кратко крзно се паметни, активни и друштвени кучиња. Бидејќи се многу паметни и желни да научат, лесно ќе ги истренирате. Сакаат да бидат зафатени и уживаат да работат за нивниот сопственик. Тие се генерално пријателски настроени и кон луѓето и кон животните. Сепак, се препорачува добро да ги издресирате и социјализирате уште од мали, бидејќи имаат силен ловечки инстинкт, па може да предизвикуваат проблеми со мачките или други помали домашни миленичиња. Тие се исто така и многу храбри и верни кучиња, па можете да ги истренирате да бидат добри чувари. Доста се бучни и стануваат хиперактивни доколку не ја задоволиле својата потреба за движење.

Дресура

Германскиот птичар со кратко крзно заслужно ја има добиено репутацијата на многу подучливо куче. Тие се паметни, желни да научат и сакаат да работат за нивниот сопственик, па дресирањето ќе се одвива без проблем. Доколку добро ги издресирате и истренирате тие ќе се сложуваат со сите, па дури и со помалите животни кои би можеле да ги гледаат како плен, а можете да ги издресирате да бидат и одлични кучиња-чувари, како и да ви бидат незаменливи придружници во лов при што тие ќе се покажат одлично и во следење и трагање, и во пронаоѓање и во враќање на пленот како и на копно, така и од вода.

Темперамент

паметни, активни, друштвени

Тренинг

Овие кучиња се најсоодветни домашни миленици за активни семејства. Уживаат во лов и пливање. Вежбите и движењето се неопходни. Нека бидат постојано зафатени. Доколку сопственикот не ги води во лов, тогаш ќе треба да ги води на долги прошетки и да ги остава да трчаат и да си играат слободно.

Хипоалергеност

0

Животен век

12 – 18