Англиски сетер

Темперамент

• дружељубив, паметен, искрен, верен, сталожен и чувствителен

Големина и нега

Големина: Не е наведено во изворниот профил.

Крзното на англискиот сетер треба да го четкате редовно и темелно на секои два-три дена. За крзното да изгледа најдобро што може, треба да ги отстранувате оштетените влакна на неколку месеци.

Потекло

Англискиот сетер потекнува од Англија уште од 1300 години. Ова е најстарата раса на сетери. Под сетер се подразбира куче кое е испраксирано да се вкочанува во клекната позиција и да насочува кон пленот. Во Англија, тие биле одгледувани за лов на птици повеќе од 400 години. Оваа раса потекнува од водниот шпаниел, шпанскиот птичар и спрингер шпаниелот. Како и да е, модерната верзија била развиена од Edward Laverack кој ја развил првата варијанта, и R. Purcell Llewellin кој ја приспособил расата за лов. Во 1860 година популарноста на англискиот сетер пораснала нагло во Англија, а нешто подоцна станал доста популарен и во Америка. Англискиот стеер и денес сè уште ужива голема популарност како една од најдобрите раси на ловџиски кучиња.

Земја

Англија

Класификација

ловџиско куче и домашно милениче

Крзно

Англискиот сетер има долго и право крзно со меко и свиленкасто влакно. Специфичната шарата на крзното на англискиот сетер е наречена belton. Овој збор е кованица на тимарот Edward Laverack, а се однесува на градот во кој ловел. Боите може да бидат: сина belton т.е. бела со сино-црна боја, портокалова belton односно бела со портокалова боја, лимун belton т.е. бела со лимун-жолта боја, и црвено-кафеава belton односно бела со црвено-кафеава боја. Малите англиски сетери се раѓаат со бела боја на крзното и подоцна се развива специфичната шара.

Тело

Англискиот сетер е висок и личен. Телото е со средна должина. Градите им се длабоки, а ребрата широки. Грбната линија е права. Грлото е малку закосено. Имаат долга и правоаголна рилка, големи очи, нископоставени уши кои се со средна должина, покриени со свиленкасто крзно, збрчкани и висат до образите, и средно долга крзнена опашка која се носи исправена.

Боја

бела со сино-црна боја, бела со портокалова боја, бела со лимун-жолта боја, бела со црвено-кафеава боја.

Висина

61 – 68 см.

Тежина

20 – 36 кг.

Грижа

Крзното на англискиот сетер треба да го четкате редовно и темелно на секои два-три дена. За крзното да изгледа најдобро што може, треба да ги отстранувате оштетените влакна на неколку месеци.

Карактер

Англискиот сетер е дружељубив, паметен, искрен, верен, сталожен и чувствителен. Најчесто е љубезен, но знае да биде и тврдоглав. Тој е и разигран и друштвен и сака да е во друштво со луѓе. Тој е одличен придружник на ловџиите и фамилии со деца. Додека се надвор тие се полни со енергија, а внатре во домот најчесто се сталожени и сакаат да се мазат. Многу се приврзуваат со семејството. Добро се сложуваат со децата, други кучиња и други домашни миленичиња. Пријателски е настроен и кон туѓинци, но ќе лае на натрапници што го прави доста добар чувар. Знаат да станат многу бучни доколку не им придавате доволно внимание или немаат доволно свој простор.

Дресура

Англискиот сетер треба да се дресира доследно и љубезно. Ова се паметни кучиња кои се способни да научат повеќе различни трикови, игри, задолженија и слично, но имаат јак ловечки инстинкт (најмногу за лов на птици), па може лесно да бидат деконцентрирани. Тие се и доста чувствителни, па најдобар начин за нивно тренирање е позитивното поттикнување.

Темперамент

дружељубив, паметен, искрен, верен, сталожен и чувствителен

Тренинг

Англиските сетери треба да тренираат најмалку еден час дневно и тоа тренингот да вкључува напорни вежби, долги прошетки, лов или фаќање и враќање на стапчиња. Неопходно е да ги чувате во добро ограден двор, бидејќи знаат да заталкаат.

Исхрана

Англиските сетери брзо се здебелуваат особено доколку не се движат доволно.

Заболувања

Ова е релативно здрава раса на кучиња со малку генетско преносливи болести. Англиските сетери се подложни на разместување на колковите и зглобовите, проблеми со очната мрежница, хипотериоза и рак.

Хипоалергеност

2

Животен век

10 – 12