Ирски сетер

Темперамент

• дружељубиво, паметно, енергично, весели, тврдоглави, верни

Големина и нега

Големина: Не е наведено во изворниот профил.

Крзното на ирскиот сетер треба да се четка секојдневно за да не се заплетка. Вишокот коса меѓу шепите и под ушите треба да се стрижи. Целото крзно треба да се стрижи повремено за да се зачува неговиот фин и уреден изглед. Бањајте ги само кога е неопходно.

Потекло

Ирскиот сетер, уште познак како ирски црвен сетер или само црвен сетер, потекнува од Ирска. Оваа раса била развиена со вкрстување на ирскиот териер, ирскиот воден шпаниел, англискиот сетер, птичарот и гордон сетерот. Препознатливи се по црвеното крзно. Порано имале црвено-бело крзно и покуси нозе, но овие карактеристики биле отфрлени со селективно размножување, па денес тие се големи кучиња со еднобојно црвено крзно ке е карактеристично за нив. Овие сетери се сестрани ловџиски кучиња, особено одлични ретривери и птичари кои се ценети поради нивниот добар осет за мирис и брзина.

Земја

Ирска

Класификација

ловџиско куче и домашно милениче

Крзно

Крзното на ирскиот сетер е долго, право и мазно. Крзното е подолго на опашката, ушите, нозете и градите. Бојата на крзното треба да биде нијанса на црвена боја која може да варира од светла махагони нијанса до темно костенлива црвена нијанса. Може да има бели делови на градите, вратот, врвот на главата или предниот дел на шепите, но никогаш не треба да има црни прамени. Нормално е да се појават сиви прамени на крзното позади ушите кои треба да исчезнат како што кутрето расте.

Тело

Ирскиот сетер има величествен став и специфичен и пријатен изглед. Градите им се коси и длабоки, а ребрата убаво распределени. Рамениците се долги и коси. Слабината е мускулеста и малку подигната. Ушите им се ниско поставени, со средна големина и висат близу до главата. Опашката е исто така ниско поставена, со средна должина и се носи исправена во линија со грбот или нешто под грбната линија.

Боја

црвена

Висина

62 – 67 см.

Тежина

27 – 31 кг.

Грижа

Крзното на ирскиот сетер треба да се четка секојдневно за да не се заплетка. Вишокот коса меѓу шепите и под ушите треба да се стрижи. Целото крзно треба да се стрижи повремено за да се зачува неговиот фин и уреден изглед. Бањајте ги само кога е неопходно.

Карактер

Ирскиот сетер е многу дружељубиво куче. Добро ќе се сложуваат со сите, и со животни и со деца и со туѓинци на улица. Поради ова тие не се добри чувари. Тие се паметни кучиња кои секогаш спремни да одговорат на повикот на газдата. Доколку не сте самоуверен сопственик и не ве бидува за командање не се препорачува да чувате ваков сетер како домашно милениче затоа што многу ирски сетери знаат да го искористат својот газда (или ситуацијата) ако тој е пасивен. Многу се весели и сакаат да си играат, но знаат да бидат и тврдоглави. Идеални се за домашни миленици, бидејќи се приврзуваат многу со семејството.

Дресура

Ирските сетери треба да се дресираат добро. Без правилно дресирање тие може да станат непослушни и деструктивни. Тие имаат самостоен дух и понекогаш се и тврдоглави што го прави процесот на дресирање потежок, но се и многу паметни па ќе разберат што барате од нив. Пристапот треба да биде строг, но и љубезен, а процесот да се состои од многу вежби. Можеби ќе биде потребно да го однесете на дресура кај професионалец за подобри резултати. Уште додека се многу мали треба да се издресираат да дојдат до својот газда кога тој ќе ги повика затоа што тие имаат многу добар осет за мирис, па ако нањушкаат некој плен тие може да заталкаат за да го следат и да бидат глуви на наредбите и отповикувањата на газдата.

Темперамент

дружељубиво, паметно, енергично, весели, тврдоглави, верни

Тренинг

Ирските сетери се енергични кучиња кои ќе треба да се движат и тренираат секојдневно. Кратки и брзи прошетки ќе спречат ирските сетери да станат хиперактивни и деструктивни во домот. Редовно оставајте ги да си играат слободно во добро ограден двор што ќе придонесе за среќата и здравјето на овие сетери.

Карактеристики

Легло: Ирските сетери имаат многу големи легла со до 16 кучиња на пороѓај.

Хипоалергеност

2

Животен век

12 - 15