Чесапик беј ретривер

Темперамент

• паметни, самостојни, активни, друштвени, храбри

Големина и нега

Големина: Не е наведено во изворниот профил.

Грижата за крзното на овие ретривери е лесно и едноставно. Нормално четкајте го крзното со цврста четка со боцки за да ги отстраните мртвите влакна. Бањајте ги повремено затоа што честото капење ќе ја отстрани природната масност на крзното која ги заштитува од студените води. Овие ретривери од заливот Chesapeake се митарат просечно.

Потекло

Се верува дека овие ретривери, кои нагалено ги нарекуваат Chessie, потекнуваат од њуфаундландски кучиња кои преживеале бродолом во 1807 година. Приказната вели дека некој англиски брод доживеал бродолом на брегот на Мериленд, поточно кај заливот Chesapeake на источниот брег на Америка по кој и оваа раса го добила името. Помеѓу преживеаните луѓе биле пронајдени и две њуфаундландски кучиња. Овие две кучиња, од кои едното било со црвено, а другото со црно крзно, биле ценети поради нивната способност за пронаоѓање и враќање на пленот. Подоцна тие биле вкрстени со локални ретривери како ретриверот со право крзно, ретриверот со виткано крзно и англискиот ловец на видри. Со постепено и внимателно размножување се добила посебна неверојатна раса на ретривери кои биле доста издржливи и имале неверојатна страст за лов. Овие новодобиени ретривери храбро и непоколебливо нурнувале во студени води за да ловат патки и гуски. Познати се по ловење на стотици водни птици на ден. Американскиот кинолошки клуб ја признал расата уште во 1885 година, но до ден денес сè уште не е особено позната и популарна ни меѓу луѓето ни меѓу ловџиите. Овој ретривер од заливот Chesapeake е државно куче на Мериланд и маскота на нивниот универзитет. Теодор Рузвелт чувал ваков ретривер како домашно милениче.

Земја

Америка

Класификација

птичар

Крзно

Овие ретривери од заливот Chesapeake имаат дебело, кусо и водоотпорно надворешно крзно и волнено и меко внатрешно крзно. Крзното е брановидно на рамениците и грбот. Влакното не треба да е подолго од 3.8 сантиметри. Надворешниот слој на крзното е малку масно и лизгаво. Масноста на крзното не само што ја одбива водата (како што тоа го прават пердувите на патката на пример), туку и им помагаат на овие кучиња да се исушат брзо, што пак им овозможува полесно да пливаат во студена вода. Бојата на крзното може да биде некоја нијанса од смеѓо жолта до темно кафеава. Може да постојат бели делови на крзното на градите, стомакот и шепите.

Тело

Ова се пропорционални и мускулести кучиња кои имаат интелигентен и моќен израз. Имаат длабоки и цврсти гради, добро распространети ребра, цврст грб и исправени наназад раменици. Черепот им е широк, а рилката е решиси долга колку и черепот. Имаат мали и виснати уши, тенка уста, жолтеникави или портокалови очи. Опашката е со средна должина, права или малку свиткана и со погусто крзно во основата. Шепите им се со мембрана меѓу прстите што ги прави одлични пливачи.

Боја

нијанса од смеѓа до темно кафеава боја

Висина

53 – 66 см.

Тежина

25 – 36 кг.

Грижа

Грижата за крзното на овие ретривери е лесно и едноставно. Нормално четкајте го крзното со цврста четка со боцки за да ги отстраните мртвите влакна. Бањајте ги повремено затоа што честото капење ќе ја отстрани природната масност на крзното која ги заштитува од студените води. Овие ретривери од заливот Chesapeake се митарат просечно.

Карактер

Ретриверите од заливот Chesapeake се паметни, самостојни, активни, друштвени и храбри. Ја сакаат водата, па дури и да е смрзнувачки ладна. Тие се многу интелигентни и доста подучливи, но нема да реагираат добро на груба дресура. Ги сакаат луѓето и ќе сакаат да ви удоволат. Енергични се кога се надвор, но доколку ја задоволат својата потреба за движење тие ќе бидат мирни внатре во домот. Повеќето вакви ретривери знаат да бидат доста бучни кога се среќни што повеќето луѓе го толкуваат погрешно како знак на агресивност. Имаат силен стражарски инстинкт, па се одлични кучиња-чувари. Претпазливи се со туѓинци и може да станат агресивни штом насетат дека нивниот сопственик е во неволја. Добри се и дружељубиви со децата. Добро ќе се сложуваат и со мачките кои живеат заедно со нив, но може да ги бркаат другите мачки надвор од домот. Знаат да се сложуваат со други кучиња, но знаат да бидат и доминантни кон други мажјаци. Оваа раса на кучиња не се препорачува за неискусни луѓе. Исто така, иако тие се релативно неактивни внатре во домот, не се препорачува да се чуваат во стан, особено ако не ја задоволат својата потреба за движење. Најсоодветен дом за нив би бил средно голем двор каде тие може да уживаат и преспиваат особено кога е поладно затоа што тие преферираат поладна клима. Најсреќни се со активно семејство кое ја сака природата и има енергичен животен стил.

Дресура

Иако овие ретривери се паметни, познато е дека тешко се дресираат. Тие не се желни да го променат своето однесување, па ќе треба да сте трпеливи. Една пополарна изрека вели: „Можете да му наредите на лабрадорот ретривер и можете да побарате од златниот ретривер, но со ретриверот од заливот Chesapeake треба да преговарате“. Како и да е, штом тие го препознаат и прифатат авторитетот на својот дресер и сопственик и сфатат што се очекува од нив, ќе се однесуваат соодветно. Дресерот треба да биде самоуверен и да покажува природен авторитет кон кучето. Најуспешно ќе ги дресирате доколку пристапот биде цврст, доследен, но и љубезен. Неопходна е соодветна комуникација. Овие ретривери може да станат доста доминантни особено ако насетат дека нивниот сопственик е пасивен, ненаметлив и срамежлив. Ретриверите од заливот Chesapeakes созреваат споро, па осигурајте се дека ќе ги дресирате и социјализирате правилно уште додека се мали кутриња. Водете ги со себе каде и да одите што е можно почесто и оставајте ги да се дружат со други кучиња за побрзо да се навикнат на нивното присуство и да се опуштат. Доколку сопственикот не е добар лидер, овие ретривери може да станат своеглави, одбранбени и агресивни. Со соодветен сопственик тие ќе бидат прекрасни домашни миленичиња.

Темперамент

паметни, самостојни, активни, друштвени, храбри

Тренинг

Ретриверите од заливот Chesapeakes треба да се движат и вежбаат многу за да не им биде здодевно и да се однесуваат лошо. Уживаат да пливаат. Најдобри се кога имаат да исполнат некаква цел или задача. Тие се доста активни и енергични, па потребно им е многу движење секојдневно.

Заболувања

Оваа раса на кучиња се подложни на проблеми со очите и дисплазија на колковите. Тие се исто така подложни на надувување на стомакот, па најдобро би било да им ги распоредувате оброците рамномерно во текнот на денот и да избегнуваат движење и вежби одма по оброкот.

Хипоалергеност

2

Животен век

10 - 13