Кадрав ретривер

Темперамент

• паметни, друштвени, верни, љубезни, активни, енергични, подучливи, горделиви, самоуверени

Големина и нега

Големина: Не е наведено во изворниот профил.

Крзното е природно помасно и не треба многу да се тимари. Бидејќи крзното е водоотпорно, овие ретривери лесно ја истресуваат водата од своето крзно, па тоа брзо се суши (нешто слично како кај патките). Итканото крзно не треба да се стрижи, а четкање е потребно само во периодот на митарење за да се отстранат мртвите влакна. Се митарат просечно. Бањајте ги само кога е неопходно. Овие ретривери споро созреваат, па ќе треба да бидете внимателни со нивната исхрана и вежби особено во периодот на растење.

Потекло

Ретриверот со виткано крзно се смета за една од најстарите раси на ретривери. Во Англија, каде расата била развиеан, овие кучиња биле одгледувани како ретривери уште во подоцните години од XVIII век. Потеклото на расата претставува спој од англискиот воден шпаниел, њуфаундлендот, сетерот, пудлицата, а веројатно и ирскиот воден шпаниел и лабрадорот. Ретриверот со виткано крзно е одличен птичар и придружник за на лов на дивеч и птици и на копно и во вода. Најчесто биле одгледувани за лов на патки и потполошки. Оваа раса е доста ретка во Америка, но е многу популарна во Австралија и Нов Зеланд. Американскиот кинолошки клуб за прв пат ја признал оваа раса во 1924 година.

Земја

Англија

Класификација

птичар; ловџиско куче; домашно милениче

Крзно

Крзното е густо и кадраво. Целото тело е покриено со многу збиени, ситни и густи кадрици, но крзното е нешто помазно на главата, рилката, предниот дел на предните нозе и шепите. Крзното е водоотпорно и ги штити овие ретривери од студена вода и трња. Бојата на крзното може да биде црна или црвенкасто-кафеава. На крзното може да има мал бел дел, но е неприфатлив за оние ретривери кои учествуваат на изложба на кучиња.

Тело

Ретриверот со виткано крзно е големо и цврсто куче чие тело е нешто подлого отколку што е високо, а изгледа елегантно и паметно. Грбната линија е права, а вратот е цврст и малку закосен. Градите се длабоки и не многу широки, а стомакот е вовлечен. Главата е подолга отколку што е широка. Рилката е во клинеста форма со потесен заоблен врв во долниот дел. Носот е црн кај оние со црно крзно, а кафеав кај оние ретривери со црвено-кафеавкаста боја на крзното. Очите се големи, во форма на бадем, црни, кафеави или портокалови. Забите се многу остри. Ушите се мали и виснати. Опашката е покриена со виткано крзно како и целото тело и се носи исправена или скоро исправена и никогаш не се кастри.

Боја

црна или црвенкасто-кафеава

Висина

63 – 69 см.

Тежина

29 – 36 кг.

Грижа

Крзното е природно помасно и не треба многу да се тимари. Бидејќи крзното е водоотпорно, овие ретривери лесно ја истресуваат водата од своето крзно, па тоа брзо се суши (нешто слично како кај патките). Итканото крзно не треба да се стрижи, а четкање е потребно само во периодот на митарење за да се отстранат мртвите влакна. Се митарат просечно. Бањајте ги само кога е неопходно. Овие ретривери споро созреваат, па ќе треба да бидете внимателни со нивната исхрана и вежби особено во периодот на растење.

Карактер

Ретриверите со виткано крзно се паметни, друштвени, верни и љубезни. Тие се одлични кучиња-чувари. Може да се однесуваат самостојно и да мислат самите за себе, како и да реагираат на своја рака. Многу им се посветени и верни на својата фамилија. Желни се да удоволат. Горделиви се и самоуверени. Подучливи се многу и добро реагираат на одлучен дресер. Како и да е, најдобро е дресирањето, тренирањето и социјализирањето да започне уште додека тие се мали кутриња. Созреваат во целост дури откако ќе наполнат три години. Овие ретривери со виткано крзно се љубезни, друштвени и прекрасни со децата. Колку повеќе ментални и физичи задачи им задавте, толку посмирени ќе бидат. Социјализирајте ги и запознајте ги со други луѓе и други домашни миленичиња уште додека се мали. Доколку немаат добро избалансиран живот тие може да станат резервирани или срамежливи со туѓинци. Овие ретривери се идеални домашни миленичиња за активно и енергично семејство кое ја сака природата. Не се препорачуваат за живот во стан. Најдобро би било доколку имаат поголем двор. Надвор ќе бидат енергични и неуморни ретривери кои уживаат на копно и ја обожаваат водата, а внатре во домот ќе бидат смирени и сталожени. Овие ретривери сакаат да бидат дел од семејството, па не се препорачува да ги оставите сами надвор во дворот цел ден.

Дресура

Овие ретривери се доста интелигентни, па брзо ќе сфатат што барате од нив. Важно е дресирањето да биде променливо и разновидно за процесот да не им здосади, бидејќи овие кучиња можат брзо да го загубат интересот. Најважното нешто за дресирање на оваа раса е доследноста.

Темперамент

паметни, друштвени, верни, љубезни, активни, енергични, подучливи, горделиви, самоуверени

Тренинг

Ретриверите со виткано крзно се активни кучиња полни со енергија на кои им е потребно и физичко и ментално вежбање. Потребно е секојдневно да ги водите на долги и брзи прошетки или џогирање. Ја сакаат водата и уживаат да пливаат, па пливањето е добра вежба за оваа раса.

Заболувања

Ретриверите со виткано крзно се подложни на проблеми со очите, епилепсија и дисплазија на колковите.

Хипоалергеност

2

Животен век

8 – 12