Англиски спрингер шпаниел

Темперамент

• паметни, послушни, друштвени, храбри, вешти, брзо учат, весели, секогаш добро расположени

Големина и нега

Големина: Не е наведено во изворниот профил.

Тимарењто на крзното на англискиот спрингер шпаниел е лесно. Доволно е редовно да го четкате крзното со цврста четка за тоа да биде во добра состојба, да изгледа здраво и уредно. На спрингерите кои ќе учествуваат на изложба на кучиња ќе треба да им обрнете повеќе внимание. Бањајте ги кога ќе биде потребно. Повеќе внимание обрнете на ушите и шепите. Редовно проверувајте ги ушите кои се подложни на инфекции. Доколку не ја стрижите косата под ушите може да настане хронична инфекција. Крзното на шепите треба да се стрижи за спрингерите да не фатат крлежи. Поради истата причина се препорачува крзното кај англиските спрингери со подлго крзно да се четка секогаш по прошетки и играње надвор. Оваа раса на кучиња се митарат редовно во просечни количини. Задоловно ќе живеат во стан доколку ја задоволуваат својата потреба за движење. Лесно се адаптираат на животот во град. Релативно се неактивни внатре во домот, па најдобро би било доколку имаат пристап до двор.

Потекло

Англискиот спрингер шпаниел се смета за основач на сите видови англиски ловџиски шпаниели. За време на ренесансата тие се сметале за идеални придружници на ловците. Во Америка станале познати во 1700 години. Кламбер, сасексшкиот, велшкиот, полскиот, ирскиот и кокер шпаниелот се развиле од англискиот спрингер шпаниел. Шпаниелите се разликуваат по големината и се користат за различни цели. Порано се сметале за ист вид со кокер шпаниелот бидејќи се раѓале во исто легло. Леглото се состоело од помали и поголеми шпаниели. Помалите кучиња биле кокери и биле одгледувани да ловат чапљи или шумски шљуки, а поголеми кучиња од леглото биле спрингер кои биле одгледувани за откривање на пленот кој потоа изненадно го зграбувале (името спрингер произлегува од англискиот глагол spring on што значи да изненадиш некого). И помалите и поголемите кучиња од овој вид се одлични ловци кои можат да ловат и на копно и во вода.. Одлично се снаоѓаат и низ грмушки, а се и добри ретривери. Англискиот кинолошки клуб не ја признал расата како различна и посебна од англискиот кокер шпаниел се до 1902 година. Американскиот кинолошки клуб ја признал расата во 1910 година.

Земја

Англија

Класификација

ловџиско куче (птичар) и домашно милениче

Крзно

Англискиот спрингер шпаниел има густо и мазно крзно кое е водоотпорно и не се валка лесно. Крзното е бело со црни или црвенкасто-кафеави делови. Може да има жолти делови најчесто на образите или над очите. Спрингер шпаниелите кои се за на изложба на кучиња имаат подолго, помазно крзно со повеќе бои, додека шпаниелите кои се едноставно ловџиски кучиња имаат пократко и погрубо крзно кое е побело за кучето да е позабележително.

Тело

Телото на англиските спрингер шпаниели е цврсто и пропорционално. Потешки се и имаат нешто подолги нозе од другите шпаниели. Градите им се длабоки, а рамениците се закосени и убаво исправени наназад. Главата е пропорционална со телото. Должината на рилката е колку и должината на вратот. Имаат големи усни, црн или црвено-кафеав нос, овални очи кои се темно кафени кај спрингерите со црно-бело крзно и темно смеѓи кај спрингерите со кафеаво-бело крзно. Забите се остри. Ушите се поставени во линија со очите, долги, широки и висат близу до образите (достигаат до носот доколку ги повлечете нанапред). Опашката е поставена ниско, прекриена со густо крзно, никогаш не се носи над грбната линија и најчесто се кастри.

Боја

бела со црна или црвенкасто-кафеава

Висина

46 – 56 см.

Тежина

18 – 25 кг.

Грижа

Тимарењто на крзното на англискиот спрингер шпаниел е лесно. Доволно е редовно да го четкате крзното со цврста четка за тоа да биде во добра состојба, да изгледа здраво и уредно. На спрингерите кои ќе учествуваат на изложба на кучиња ќе треба да им обрнете повеќе внимание. Бањајте ги кога ќе биде потребно. Повеќе внимание обрнете на ушите и шепите. Редовно проверувајте ги ушите кои се подложни на инфекции. Доколку не ја стрижите косата под ушите може да настане хронична инфекција. Крзното на шепите треба да се стрижи за спрингерите да не фатат крлежи. Поради истата причина се препорачува крзното кај англиските спрингери со подлго крзно да се четка секогаш по прошетки и играње надвор. Оваа раса на кучиња се митарат редовно во просечни количини. Задоловно ќе живеат во стан доколку ја задоволуваат својата потреба за движење. Лесно се адаптираат на животот во град. Релативно се неактивни внатре во домот, па најдобро би било доколку имаат пристап до двор.

Карактер

Англиските спрингер шпаниели се паметни, послушни, друштвени, храбри, вешти, брзо учат, весели и секогаш добро расположени (постојано го мрдаат своето опавче). Сакаат да бидат дел од семејството. Доколку ги игнорирате, ќе станат хиперактивни, ќе лаат многу, а може да станат и деструктивни. Обожаваат да си играат со предмети како чорапи и шишиња кои ќе ги најдат низ домот. Познати е по тоа дека се дружељубиви и добри и со децата, и со други кучиња, и со други домашни миленици. Некои англиски спрингер шпаниели може да се однесуваат агресивно кон други кучиња од ист пол. Како и да е, се препорачува добра социјализација уште додека се мали кутриња за да се навикнат и да им биде удобно во друштво. Верни се и љубезни кон семејството кое ги чува. Тие се и добри чувари. Лесно се адаптираат на различни животни услови, односно и на живот во село и на живот во град што ги прави идеални домашни миленичиња.

Дресура

Не е тешко да се дресира англискиот спрингер шпаниел. Тие се интелигентни кучиња кои се желни да ви удоволат. Најдобро функционираат со доследен лидер кој знае јасно да ги постави правилата. Нема да реагираат добро на груб третман, затоа што се чувствителни на тонот и гласот на сопственикот или дресерот. Дресерот и сопственикот треба да бидат сталожени и да бидат авторитативни по природа. Како и да е, се препорачува тренинг за послушност. Способни се да научат најразлични трикови и ловечки вештини.

Темперамент

паметни, послушни, друштвени, храбри, вешти, брзо учат, весели, секогаш добро расположени

Тренинг

Спрингерите ќе уживаат во онолку вежби колку што ќе им зададете. Потребно им е многу движење за да бидат среќни. Водете ги на долги прочетки секој ден или нека ве придружуваат додека џогирате. Добро би било да имаат шанси да се истрчаат и да си играат слободно без да се врзани на ремен. Сакаат да бидат во улогата на ретривери и обожаваат да пливаат. Добри натпреварувачи се и во различни агилни спортови и во натпревари за послушност.

Исхрана

Лесно се здебелуваат, па внимавајте да не се прејадуваат.

Заболувања

Некои англиски спрингер шпаниели се подложни на дисплазија на колкот, очни заболувања, епилепсија, болести на крвта и ушни инфекции.

Хипоалергеност

2

Животен век

12 - 14