Холандски коикерхондје

Темперамент

• весели, друштвени, храбри, самоуверени и паметни

Големина и нега

Големина: Не е наведено во изворниот профил.

Крзната на овие кучиња ќе бидат уредни и фини со брзо и редовно четкање. Како и да е, ќе треба да обрнете повеќе внимание во периодот на митарење. Првото митарење се случува на 3 или 4 месечна возраст. Стржете ја вишокот коса меѓу шепите. Редовно проверувајте ги и чистете им ги ушите. Ова се кучиња кои мо=ат да живеат во стан доколку живее со активно и енергично семејство кое редовно ќе го води надвор на прошетки и многу вежби. Најдобро би било доколку има поголем простор за живот и пристап до двор. Имаат доста енергија, и додека се надвор ќе сакаат да трчаат и да њушкаат наоколу, а додека се внатре во домот ќе бидат сталожени и мирни. Љубопитни се и сакаат да њушкаат, па доколку намирисаат некој за нив интересен мирис тие ќе игнорираат се друго, па и својот газда и ќе тргнат да го следат. Токму поради ова се препорачува да ги дресирате за послушност уште како мали за да имате добра контрола над нив. Како превентивна мерка, пуштајте ги да трчаат и да си играат без ремен само во оградена и сигурна област.

Потекло

Малото холандско куче е стара холандска раса на кучиња кои биле одгледувани за ги намамуваат патките во стапици. Иако овие кучиња може да се видат на слики од XVI и XVII век, расата не била признаена сѐ до 18 јули 1966 година. За жал, до крајот на Првата светска војна кога фондот на патки се намалил овие мали холандски кучиња останале без задача и биле скоро истребени. Се верува дека преживеале само 25 вакви кучиња. Во 1939 година, баронесата Van Hardenbroek van Ammerstol одлучила да ја оживее расата на овие мали кутриња. Баронесата живеела сама во огромна вила, па се посветила на своите кучиња. Таа била многу ексцентрична личност и нејзините кучиња ја придружувале дури и на вечера. За време на Втората светска војна баронесата им помогнала на многу сојузнички пилоти да им избегаат на германците со тоа што им дала неколку од нејзините мали холандски кучиња да ги водат низ шумата до белгиската граница. За да го зачува и оживее родот на овие мали холандски кучиња за лов на водни птици таа припремила детален опис на најсовршеното куче и ги замолила трговците да се распрашаат и да побараат други кучиња кои одговараат на тој критериум. По некое време, нејзиниот труд се исплател. Стигнале гласини дека такво куче постои на една фарма во Фризија. Тоа била женка по име Томи. Баронесата отпатувала до Фризија и била воодушевена кога видела дека Томи навистина одговара на описот. За среќа, иако фармерот не сакал да ја продаде Томи, се согласил да и ја позајми на баронесата за размножување. Откако пронашле и мажјак кој ќе биде соодветен за размножување, во домот на баронесата во Гелдроп (Geldrop) се случило првото размножување од кое преживеало едно кутре. Во 1943 година се случило и второто размножување кога во леглото се добиле 4 женки кои подоцна биле спарени со соодветни мажјаци. Најпосле, и други луѓе се заинтересирале за размножување и одгледување на расата мали холандки кучиња за лов на водни птици. До 20 декември 1971 година, кога расата го добила крајното признание, веќе имало доволно вакви кучиња за расата да опстане и да продолжи да се размножува. Со години наназад овие мали холандски кучиња биле користени за лов на патки со генијален метод. Ловецот прави замка која ја нарекуваат "Kooi"" која се состои од кривулест ров кој води од езерото населено со патки до копното. Над ровот има пставено свод од мрежа. Резултатот е цевка низ која патката може да се протне но не и да го види крајот. Задачата на холандските мали кучиња за лов на водни птици е да ги намамат патките доволно длабоко во така наречената цевка со што ловецот може да го затвори влезот за патките да не можат да се повлечат назад. Холандските мали кучиња ги намамувале патките со весело потскокнување наваму-натаму. Тоа што всушност го привлекува вниманието на патките е веселата бушава опашка со бел врв за која патките не се сигурни што е, па се приближуваат поблиску за да дознаат. Додека патките го изгубат интересот тие се веќе заглавени во стапицата. Влезот им е затворен од ловецот, одозгора имаат мрежа, па на патките им останува само да се препуштат на судбината која ги чека на крајот на цевката. Овој метод е практичен и ефикасен затоа што може да се фати цело јато патки наеднаш. Денес во Холандија, овој начин на ловење се користи многу ретко, но методот и овие кучиња се корисни кога се користат за зачувување видови и раси."

Земја

Холандија

Класификација

ловџиско куче и домашно милениче

Крзно

Малите холандски ловци на патки имаат уникатно крзно на кое му е потребно 2 години за да израсне во целост. Карактеристиката по која овие кучиња се разликуваат се долгите црни врвови на ушите кои изгледаат како обетки. Должината и големината на овие црни врвови е одредена генетски. Кога ќе се родат овие кучиња имаат црни прамени низ нивното тело кои треба да паднат по првото митарење. Доколку немаат воопшто црни влакна кога ќе се родат кучињата нема да ги имаат црните врвови на ушите кога ќе пораснат. Бојата на крзното треба да биде бела со црвени делови. Крзното е со средна должина, мазно и право или малку брановидно.

Тело

Холандските мали кучиња за лов на водни птици се агилни кучиња кои имаат нежен изглед. Овие кучиња созреваат целосно кога се седум или осум месеци стари. Грбот е цврст, градите се длабоки, а ребрата убаво распоредени. Ушите се со средна големина, покриени со густо крзно со црни врвови и висат блиску до образите. Опашката е густа со бел врв и се носи во иста висина со грбот или нешто повисоко.

Боја

бела со црвена

Висина

36 – 41 см.

Тежина

9 – 18 кг.

Грижа

Крзната на овие кучиња ќе бидат уредни и фини со брзо и редовно четкање. Како и да е, ќе треба да обрнете повеќе внимание во периодот на митарење. Првото митарење се случува на 3 или 4 месечна возраст. Стржете ја вишокот коса меѓу шепите. Редовно проверувајте ги и чистете им ги ушите. Ова се кучиња кои мо=ат да живеат во стан доколку живее со активно и енергично семејство кое редовно ќе го води надвор на прошетки и многу вежби. Најдобро би било доколку има поголем простор за живот и пристап до двор. Имаат доста енергија, и додека се надвор ќе сакаат да трчаат и да њушкаат наоколу, а додека се внатре во домот ќе бидат сталожени и мирни. Љубопитни се и сакаат да њушкаат, па доколку намирисаат некој за нив интересен мирис тие ќе игнорираат се друго, па и својот газда и ќе тргнат да го следат. Токму поради ова се препорачува да ги дресирате за послушност уште како мали за да имате добра контрола над нив. Како превентивна мерка, пуштајте ги да трчаат и да си играат без ремен само во оградена и сигурна област.

Карактер

Малите холандски кучиња за лов на водни птици се весели, друштвени, храбри, самоуверени и паметни. Не се спријателуваат со секого, а се приврзуваат многу со својот газда или семејството кое ги чува. Чувствителни се и лесно раздразливи, па не се добри другари за децата. Желни се да научат што ги прави лесно подучливи. Тие се и добри чувари затоа што по природа се претпазливи со туѓинци. За да се сложуваат со други кучиња и други домашни миленици ќе треба да ги запознаете од рана возраст. Со нивниот едар и љубезен карактер тие ќе ви бидат прекрасни домашни миленици. Холандските мали кучиња не се генерално бучни кучиња, но ќе ве предупреди доколку насетат натрапник. Како и да е може да се случи тие редовно да им лаат на други кучиња веројатно предизвикано од страв, па добро би било да ги запознавате со други помали и мирни кучиња со кои може да се дружат и да си играат смирено. Изгледа дека овие кучиња се најактивните и највеселите од сите раси на кучиња.

Дресура

Малите холандски ловци на водни птици се чувствителни и имаат цврст карактер. Потребен им е доседен и строг тренинг, а дресерот треба да биде строг, но и смирен. Викањето нема да заврши работа, туку напротив ќе има обратен ефект. Овие кучиња најдобро реагираат на позитивно охрабрување и храна. Започнете со дресирањето што е можно најрано и погрижете се процесот да биде забавен. Колку поарно започнете, толку порано ќе сфати и научи што барате од нив, а со тоа и ќе се однесува соодветно и ќе избегнете проблеми и несреќи. Може да започнете да ги дресирате уште на пет или осумнеделна возраст, но нема да може да се потпрете на нив пред да бидат 6 месеци стари.

Темперамент

весели, друштвени, храбри, самоуверени и паметни

Тренинг

Овие кучиња пред се се ловџики кучиња кои сакаат да бидат надвор, па ќе им биде потребно редовно движење и вежби за да бидат среќни. Водете ги на долги прошетки секој ден или нека ве придружуваат додека џогирате. Уживаат да трчаат наоколу, да си играт слободно, а повеќето од нив обожаваат и да пливаат. Ќе бидат доста енергични надвор, но смирени внатре во домот. Овие мали холандки кучиња за лов на водни птици се навикнати да бидат зафатени и скоро секогаш си наоѓаат некоја занимација за да го стимулираат својот мозок. Нешто што најмалку сакате е на куче од оваа раса да му биде здодевно, затоа што кога на овие кучиа им е здодевно тие самите ќе пронајдат со што да се занимаваат, а тоа нема секогаш да е нешто што ќе ви се допаѓа. Како и да е, нивната интелигенција и нивната енергичност е тоа што ги прави агилни, послушни и одлични ловци.

Заболувања

За жал оваа раса на кучиња е познато дека се носители на некои наследни болести. Одгледувачите сѐ уште работат на елиминирање на овие наследни болести од расата. Покрај тоа тие се подложни и на катаракта, епилепсија и исчашување на коленото.

Хипоалергеност

2

Животен век

12 - 14