Велшки спрингер шпаниел

Темперамент

• весели, сталожени, мирени, друштвени, посветени

Големина и нега

Големина: Не е наведено во изворниот профил.

Крзното на овие спрингер шпаниели треба да се четка два пати неделно и почесто за време на митарењето. Ушите треба редовно да се проверуваат и чистат, а канџите да се сечат. Вишокот коса меѓу шепите треба да се стрижи. Велшкиот спрингер шпаниел се митари просечно. Доколку ја задоволат својата потреба за движење, удобно ќе живеат во стан. Најдобро би било доколку имаат пристам до двор.

Потекло

Ова е уште една раса на шпаниели која се развила од англискиот спрингер шпаниел. Едно време, сите различни видови на шпаниели биле сметани за ист вид. Подоцна, ловџиите започнале да ги делат шпаниелите на копнени и водни шпаниели. Велшкиот спрингер шпаниел порано бил нарекуван велшки кокер. Во 1800 години расата била одделена како посебна. Велкиот спрингер шпаниел бил одгледуван за пронаоѓање и ловење на пленот. Тие се способни да ловат на разлини терени при различни услови, имаат многу енергија и можат да ловат долго без одмор. Често може да се случи да заталкаат далеку при ловот, па се препорачува да дресирате уште на шест месечна возраст. Нивниот весел и среќен изглед ги прави прекрасни придружници и домашни миленици.

Земја

Велс

Класификација

ловџиско куче (птичар) и домашно милениче

Крзно

Крзното е дебело, право, мазно и свиленкасто на допир. Бојата на крзното е бело со темноцрвени делови. Крзното на овие кучиња ги штит од топлото и ги чува од ладното време.

Тело

Велшкиот спрингер шпаниел има компактно тело со среден раст. Телото е цврсто и мускулесто со широки плешки и добро распоредени ребра. Благо заоблената глава е пропорционална со телото. Скоро квадратната рилка е долга колку и черепот. Носот е црн или некоја нијанса на кафеава боја со широки ноздрви. Очите се овални и кафени. Ушите се крзнени, долги, мали, во форма на лозов лист, поставени се во линија со очите и висат блиску до образите. Опашката е нископоставена, не многу густа, најчесто кастрена и никогаш не се носи над грбната линија.

Боја

бела со темноцрвена

Висина

41 – 48 см.

Тежина

16 – 20 кг.

Грижа

Крзното на овие спрингер шпаниели треба да се четка два пати неделно и почесто за време на митарењето. Ушите треба редовно да се проверуваат и чистат, а канџите да се сечат. Вишокот коса меѓу шепите треба да се стрижи. Велшкиот спрингер шпаниел се митари просечно. Доколку ја задоволат својата потреба за движење, удобно ќе живеат во стан. Најдобро би било доколку имаат пристам до двор.

Карактер

Велшките спрингер шпаниели се весели, сталожени и мирени. Самостојни се, но и многу посветени на својата фамилија. Го сакаат човековото друштво. Малку се резервирани, а понекогаш и срамежливи, особено со туѓинци. Добро се сложуваат со децата, а добро ќе се сложуваат и со други домашни миленици доколку правилно ги социјализирате. Тие се и добри чувари.

Дресура

Велшките спрингер шпаниели учат многу брзо, но сепак дресирањето треба да биде доследно, строго, но и љубезно. Дресерот и сопственикот треба да бидат сигурни лидери кои ќе знаат да воспостават ред, или овие кучиња нема да ги слушаат вашите команди.

Темперамент

весели, сталожени, мирени, друштвени, посветени

Тренинг

Ова се енергични и весели кучиња на кои им е потребно многу движење и вежби. Водете ги на долги прошетки секојдневно. Ќе уживаат да трчаат слободно и да пливаат. Имаат одличен осет за мирис, па најдобро е да ги оставате да се шетаат без ремен само во добро оградена област за да не заталкаат следејќи некој мирис кој го нањушкале. Доколку не ја задоволат својата потреба за движење, велшките спрингер шпаниели може да се досадуваат, да станат дебели и мрзеливи, како и да развијат разни проблематични однесувања.

Заболувања

Склони се кон дисплазија на колкот, епилепсија и ентропија.

Хипоалергеност

2

Животен век

12 - 15