Холандско водно куче

Темперамент

• сестрани, лесно се адаптираат, строги кон себеси, чувствителни, интелигентни, самостојни, своеглави, храбри, предани и добри чувари

Големина и нега

Големина: Не е наведено во изворниот профил.

Тимарењето на овие кучиња е лесно. Доволно е повремено да го четкате и чешлате крзното. Проверувајте им ги забите и чистете им ги ушите за да спречите инфекции. Оваа раса на кучиња не се препорачува да се чуваат во стан каде би биле многу вознемирени затоа што не се навикнати на живот во бучна урбана средина. Тие може да живеат надвор во куќарка доколку ја задоволуваат својата потреба за движење и потреба за контакт и социјализација со луѓе. Може да живеат и на поладна клима се доколку имаат соодветно засолниште.

Потекло

„Wetterhoun“ е холандски збор за водно куче. Расата холандски воден шпаниел била развиена од угледни одгледувачи од холандската провинција Фризија уште пред 400 години. Ова е ретка раса на кучиња која е тешко да се најде надвор од границите на својата татковина. Најверојатно потекнува од старото водно куче, раса на кучиња која е истребена, а која сепак допринела за развој на многу од денешните раси на шпаниели. Специјалноста на холандските водени шпаниели е лов на видри, а подоцна биле истренирани и за лов на мали копнени цицачи како ласици и за чување фарми. Холандскиот воден шпаниел е силно куче со цврста градба кое е одлично ловџиско куче способно за лов и на копно и во вода. Тоа е храбро куче кое лови само и му се спротиставува на пленот очи во очи сосем бестрашно.

Земја

Холандија

Класификација

ловџиско куче (птичар), куче-чувар и домашно милениче

Крзно

Крзното на холандските водни шпаниели е грубо, дебело и виткано. Крзното на главата и нозете е со пократки влакна. Крзното е масно и не треба да биде волнено. Бојата на крзното може да биде: бела со црвеникаво-кафеава, бела со црно, еднобојно црвеникаво-кафеава или еднобојно црна.

Тело

Телото на холандскиот воден шпаниел е скоро квадратно на изглед. Градите се многу широки и ги одвојуваат предните нозе. Зглобовите им се поблиску до земјата отколку на другите кучиња. Нозете им се зоблени и големи со истакнати шепи. Имаат голема и цврста глава. Очите им се истакнати и големи. Опашката е тенка и свиткана како срп над грбот.

Боја

бела со црвеникаво-кафеава, бела со црно, еднобојно црвеникаво-кафеава или еднобојно црна.

Висина

53 – 58 см.

Тежина

15 – 20 кг.

Грижа

Тимарењето на овие кучиња е лесно. Доволно е повремено да го четкате и чешлате крзното. Проверувајте им ги забите и чистете им ги ушите за да спречите инфекции. Оваа раса на кучиња не се препорачува да се чуваат во стан каде би биле многу вознемирени затоа што не се навикнати на живот во бучна урбана средина. Тие може да живеат надвор во куќарка доколку ја задоволуваат својата потреба за движење и потреба за контакт и социјализација со луѓе. Може да живеат и на поладна клима се доколку имаат соодветно засолниште.

Карактер

Холандскиот воден шпаниел не е соодветно куче за почетници односно сопственици без искуство во чување и одгледување кучиња. Ова цврсто и моќно куче е работно куче со неверојатни способности. Тоа е сестрано куче кое издружва и се адаптира на најразлични временски услови. Тоа е многу популарно куче на фармите во нивната родна Холандија. Строги се самите кон себе, а може да бидат и чувствителни. Интелигентни се, малку самостојни, и понекогаш и своеглави. Тие се и храбри, предани и добри чувари. Учат многу брзо, но знаат да не одговорат на командата доколку газдата не е самоуверен и наметлив лидер, а сепак ги задава задачите на смирен начин. Со својата фамилија ќе бидат љубезни и друштвени. Добри се со децата од својата фамилија доколку децата знаат да бидат одлучни лидери и да не ги закачаат или малтретираат. Фамилијата и пријателите ќе бидат топло пречекани, а ќе прифатат и други кучиња и други домашни миленици без проблем. Претпазливи се со туѓинци. Тие се одлични кучиња-чувари.

Дресура

Ова се интелигентни кучиња кои учат брзо, но знаат да бидат и самостојни и своеглави понекогаш. Дресирањето е неопходно да биде доследно и љубезно. Не им дозволувајте да ја превземат контролата во куќата. Дресерот и сопственикот треба да бидат самоуверени лидери кои јасно, но и љубезно ќе ги постават командите и задачите. Се препорачува дресирањето да започне уште од рана возраст.

Темперамент

сестрани, лесно се адаптираат, строги кон себеси, чувствителни, интелигентни, самостојни, своеглави, храбри, предани и добри чувари

Тренинг

Холандските водни шпаниели имаат голема потреба од движење и вежби. Водете ги на брзи и долги прошетки секој ден. Идеално за овие кучиња би било кога би имале поголем простор каде можат слободно да трчаат (а кој простор воедно жестоко ќе го чуваат и бранат). Сакаат да пливаат.

Заболувања

Склони се кон ушни инфекции.

Хипоалергеност

2

Животен век

12 - 13