Кучиња
Португалско водно куче
Други називи: Portuguese Water Dog · Cão de Água Português
Португалското водно куче е раса на кучиња со долга историја кои ги делат предците и изгледот со пудлиците. Како што кажува нивното име, тие потекнуваат од Португалија, а најверојатно се развиле од ловџиските кучиња кои постоеле на Пиринејскиот Полуостров. Сепак, постојат и други теории, како на пример дека тие потекнуваат од азиски вид на овчарски
Темперамент
- послушно, дружељубиво, паметно, активно, добро расположено
Големина и нега
Големина: Не е наведено во изворниот профил.
Крзното на португалското водно куче треба да се четка и чешла редовно на неколку дена, а да се стрижи на секои два месеци. Како што веќе напоменавме, постојат два вида на крзно кај овие кучиња, и тоа, многу виткано крзно и брановидно крзно. Брановидното крзно се стрижи кусо во задниот дел и на рилката, а на опашката се остава пуфка на врвот, додека на предниот дел се остава да израсне во природната големина. Ова стрижење потсетува на изгледот на лавот. Витканото крзно е најчесто кај оние португалски водни кучиња кои се одгледуваат како ловџиски кучиња, па кај нив крзното се чува долго, а се крати само крзното на опашката. Доколку ја задоволуваат својата потреба за движење, португалските водни кучиња може да живеат во стан. Како и да е, најпогодно би било доколку имаат пристап до барем мал двор. Може да живеат надвор на умерена клима, но ќе бидат посреќни доколку се блиску до фамилијата.
Потекло
Португалското водно куче е раса на кучиња со долга историја кои ги делат предците и изгледот со пудлиците. Како што кажува нивното име, тие потекнуваат од Португалија, а најверојатно се развиле од ловџиските кучиња кои постоеле на Пиринејскиот Полуостров. Сепак, постојат и други теории, како на пример дека тие потекнуваат од азиски вид на овчарски кучиња, а пристигнале на Пиринејскиот Полуостров со доаѓањето на Маврите во VIII век, или со доаѓањето на Готите во IV век. Како и да е, тие играле важна улога за португалските риболовци на кои им помагале да уловаат риби со мрежа, а потоа и да ги изнесат мрежите на копно. На почетокот на дваесетиот век кога рибарските методи се измениле многу, бројот на португалските водни кучиња драстично се намалил. За среќа, во 1930 година еден богат бродски магнат по име Васко Бенсуаде, помогнал да се зачува расата, а потоа и да се стандардизира и да се испромовира. Г-дин Бенсуаде бил воодушевен од овие кучиња откако сведочел на настан кога едно вакво португалско водно куче без двоумење запливало во студената вода на команда. Португалските водни кучиња за прв пат биле однесени во Америка во 1958 година, а американскиот кинолошки клуб ја признал оваа раса во 1984 година. Денес, популарноста на овие кучиња како домашни миленици расте, но сѐ уште ретко се наоѓаат на изложба на кучиња.
Земја
Португалија
Класификација
ловџиско куче (птичар) и домашно милениче
Крзно
Португалското водно куче има густо виткано крзно со цилиндрични локни или помазно, брановидно крзно со послаб сјај. Најчестите бои на крзно се: црна, кафеава, бела, црна со бела и кафеава со бела. Португалските водни кучиња со многу виткано крзно обично се стрижат само на опашката, додека португалските водни кучиња со брановидно крзно се стрижат на таканаречениот „лавовски изглед“ односно крзното на рилката и задниот дел се стрижат кусо, а крзното на другиот дел се остава да израсне во природна големина. Португалските водни кучиња со потемна боја на крзно имаат сино крзно, а оние со посветла боја на крзно имаат розева кожа која лесно страда од изгореници од сонце. Овие кучиња не се митарат, туку нивните влакна паѓаат слично како кај косата на луѓето, па се погодни домашни миленици за оние кои се алергични.
Тело
Португалското водно куче е силно куче со среден раст кое е доста активно и наликува на пудлица. Телото е мускулесто и нешто подолго отколку што е високо. Грбната линија е кратка и права. Вратот е кус, а грлото малку закосено. Нозете се многу мсукулести. Главата е широка, засводена и нешто подолга од рилката. Носот е црн и широк. Очите се заоблени, со средна големина и темни. Ушите се поставени над линијата на очите, во форма на срце и виснати. Опашката е долга и не се кастри затоа што им помага во пливањето. Таа е густа и подебела во основата, а се стеснува кон врвот. Кај варијантата кај која крзното се кастри, се остава пуфка на врвот на опашката.
Боја
црна, кафеава, бела, црна со бела и кафеава со бела
Висина
43 – 57 см.
Тежина
16 – 25 кг.
Грижа
Крзното на португалското водно куче треба да се четка и чешла редовно на неколку дена, а да се стрижи на секои два месеци. Како што веќе напоменавме, постојат два вида на крзно кај овие кучиња, и тоа, многу виткано крзно и брановидно крзно. Брановидното крзно се стрижи кусо во задниот дел и на рилката, а на опашката се остава пуфка на врвот, додека на предниот дел се остава да израсне во природната големина. Ова стрижење потсетува на изгледот на лавот. Витканото крзно е најчесто кај оние португалски водни кучиња кои се одгледуваат како ловџиски кучиња, па кај нив крзното се чува долго, а се крати само крзното на опашката. Доколку ја задоволуваат својата потреба за движење, португалските водни кучиња може да живеат во стан. Како и да е, најпогодно би било доколку имаат пристап до барем мал двор. Може да живеат надвор на умерена клима, но ќе бидат посреќни доколку се блиску до фамилијата.
Карактер
Португалското водно куче е послушно, дружељубиво и добро расположено. Се приврзуваат многу со својот газда. Не лаат многу, но знаат да бидат вокални кога поздравуваат или си играат со глас кој повеќе наликува на гласно дишење (смеење). Уживаат во друштвото на други кучиња, други миленичиња и деца. Тие се и добри чувари. Некои од нив може да сакаат да гризаат и џвакаат, па набавете гумени играчки за гризање. Повеќето сакаат да душкаат и пребаруваат во забранети места. Чувствителни се на гласот на сопственикот и дресерот. Португалските водни кучиња со својата весела природа ќе ви бидат прекрасни домашни миленичиња.
Дресура
Дресирањето ќе биде лесно, бидејќи тие се паметни кучиња кои сакаат да бидат зафатени. Брзо ги сфаќаат и учат инструкциите. Како и да е, затоа што тие се чувствителни на гласот на дресерот или сопственикот, тонот на гласот треба да биде пољубезен.
Темперамент
послушно, дружељубиво, паметно, активно, добро расположено
Тренинг
Како што претпоставувате според името, ова се кучиња кои ја сакаат водата и обожаваат да пливаат. Сакаат да се зафатени и потребно им е многу движење. Водете ги на долги и брзи прошеткисекој ден или нека ве придружуваат кога џогирате.
Заболувања
Португалските водни кучиња се подложни на дисплазија на колкот, катаракта и за жал една генетска болест на нервите (GM-1 Storage Disease) која може да биде фатална.
Хипоалергеност
1
Животен век
10 - 14