Родезиски риџбек

Темперамент

• верни, самостојни, паметни, активни, одлучни, храбри, љубезни и искрени

Големина и нега

Големина: Не е наведено во изворниот профил.

Крзното на родезискиот ловец треба да се четка повремено со цврста четка за да се отстранат мртвите влакна, и почесто во периодот на митарење. Бањајте ги само кога е неопходно. Се митарат просечно. Доколку ја задоволуваат својата потреба за движење лесно ќе се адаптираат на живот во стан и ќе бидат мирни и сталожени внатре во домот. Како и да е, најдобро би било доколку имаат пристап до двор.

Потекло

Родезискиот ловец бил размножен во некогашна Родезија односно денешно Зимбабве. Именуван е по местот од кое потекнува, т.е. Родезија и карактеристичната грбка (англ. ridge) на грбот која се формира од прамени коса кои растат во обратен правец од останатото крзно. Европските доселеници кои се населиле во Родезија во 1700 години на територијата го пронашле ова домородно куче со карактеристична грбка од крзно меѓу тамошните племиња. Европејците го адаптирале родезискиот ловец за лов на лавови и друг голем дивеч, најверојатно вкрстувајќи го со други големи раси на кучиња кои ги донеле со себе (Bloodhound, Greyhound, Great Dane). Кучето кое се добило по вкрстувањето било ловец кој може да трча многу брзо, да поднесе сурови временски услови и да лови по мирис или вид. Ловот најчесто се одвивал така што два родезиски ловци го намамувале, збунувале и притеснувале лавот, па ловецот интервенирал за да го убие. Првата стандардизација на расата се случила во 1924 година, а американскиот кинолошки клуб ја признал расата во 1955 година. Денес, родезиските ловци се популарни на изложбите за кучиња, способни ловци и добри придружници.

Земја

Јужна Африка (Родезија или денес Зимбабве)

Класификација

хрт, ловџиско куче и домашно милениче

Крзно

Крзното на родезискиот ловец е кусо, дебело и сјајно. Бојата на крзното е светло или темно црвена или светло или темно жолтеникаво-кафена, а рилката е црна. Нешто специфично по што оваа раса се разликува е нивната грбка од крзно која се наоѓа на грбот, а се формира од прамени влакна кои растат во обратен правец од останатото крзно.

Тело

Родезискиот ловец е згоден и мускулест хрт. Рамениците се заоблени, а грбот е мускулест и прав. Градите се длабоки. Главата е широка, а рилката долга и длабока. Носот е црн, кафен или црвеникаво-кафеав (во зависност од бојата на крзното). Очите се овални и најчесто се кафени (нијансата на очите завис од нијансата на крзното). Најчеста комбинација е црн нос и темни очи или црвеникаво-кафеав нос и портокалови очи. Ушите се со средна големина, поставени се високо, висат надолу блиску до главата и се пошироки во основата и се стеснуваат во одреден дел. Опашката е доста долга, подебела во основата и свиткана малку нагоре. Предните нозе се прави и цврсти.

Боја

црвена или жолтеникаво-кафена

Висина

61 – 69 см.

Тежина

32 – 36 кг.

Грижа

Крзното на родезискиот ловец треба да се четка повремено со цврста четка за да се отстранат мртвите влакна, и почесто во периодот на митарење. Бањајте ги само кога е неопходно. Се митарат просечно. Доколку ја задоволуваат својата потреба за движење лесно ќе се адаптираат на живот во стан и ќе бидат мирни и сталожени внатре во домот. Како и да е, најдобро би било доколку имаат пристап до двор.

Карактер

Родезиските ловци се верни, самостојни, паметни, активни, одлучни, храбри, љубезни и искрени. Тие се храбри и претпазливи со туѓинци. Многу се заштитнички настроени и може да станат и агресивни доколку не се издресираат правилно. Со мачки и други кучиња треба да ги запознаете додека се мали за да избегнете создавање на проблеми подоцна. Љубезни се со децата, но нема да толерираат задевање и томорзење, па не би требало да ги оставате сами со мали деца. Лесно се адаптираат на различни услови, па брзо ќе се приспособат на различни домови и окружувања. Тие се крволочни ловци кои при лов ќе бидат сурови и диви, но внатре во домот ќе бидат мирни, сталожени и љубезни.

Дресура

Овие кучиња знаат да бидат тврдоглави понекогаш, па дресирањето треба да биде доследно. Не се препорачува груб и премногу строг тренинг затоа што тоа ќе има обратен ефект.

Темперамент

верни, самостојни, паметни, активни, одлучни, храбри, љубезни и искрени

Тренинг

Бидејќи родезиските кучиња се ловци по природа, потребно им е многу движење. Водете ги на долги и брзи прошетки секојдневно. Добра вежба за да ја согорат нивната енергија е да трчаат крај вашиот велосипед или заедно со вас кога џогирате. Доколку не ја задоволат својата потреба за движење тие може да станат агресивни и деструктивни.

Заболувања

Овие кучиња се цврсти и издржливи кучиња кои можат да опстанат при драматични промени на температура и да се адаптираат на различни услови. Сепак, склони се на вообичаените болести кои се јавуваат кај поголемите раси на кучиња како дисплазија на колковите и зглобовите, потоа катаракта, кожни проблеми и рак.

Хипоалергеност

2

Животен век

10 - 12 години