Кане Корсо

Темперамент

• интелигентни, верни, љубезни, подучливи, сестрани, самоуверени, внимателни

Големина и нега

Големина: Не е наведено во изворниот профил.

Доволно е повремено четкање на крзното за да се отстранат мртвите влакна и тоа да изгледа здраво и уредно. Се митарат малку. Можат да живеат надвор во соодветно засолниште доколку се социјализираат доволно.

Потекло

Се верува дека Кане Корсо потекнува од романските молососи. Од оваа античка раса произлегле две различни раси и тоа, едната била масивна, а другата висока и агилна раса на кучиња. Токму од оваа висока и агилна раса се развила расата Кане Корсо. Оваа раса на кучиња се одгледувала за лов на голем дивеч, особено диви свињи. Кога ловот на голем дивеч не бил многу актуелен, овие кучиња служеле како чувари на стада и имот на италијанските фармери. Во Америка биле донесени во 1987 година, а американскиот кинолошки клуб ја признал расата дури во 2008 година. Во Италија може сè уште да се сретнат како ловџиски и фармерски кучиња, додека насекаде низ светот тие станаа доста популарни домашни миленичиња. Името на расата доаѓа од латинскиот збор „Cohors“ кој значи заштитник или чувар.

Земја

Италија

Класификација

куче-чувар и домашно милениче

Крзно

Крзното на овие кучиња е кратко, густо и сјано, но не и мазно, а бојата е црна, сива, светлокафеава или во пругаста шара.

Тело

Кане Корсо се моќни, агилни и атлетски кучиња. Телото е цврсто, цилно и многу мускулесто. Грбот е широк и мускулест. Вратот им е малку закосен, овален, цврст и мускулест. Градите се широки и длабоки. Ребрата се убаво распоредени и достигаат до зглобовите. Слабината е куса, широка и цврста, а стомакот е малку вовлечен навнатре. Рилката е многу широка и длабока. Ширината на рилката треба да биде скоро еднаква со должината. Кога ќе ги погледнете во анфас лицето им изгледа рамно и коцкасто. Ушите се високопоставени и најчесто се кастрат, а ако се во природниот изглед тогаш тие висат блиску до главата. Опашката е поширока во основата и се стеснува кон врвот, а најчесто се кастри на една третина од вкупната должина.

Боја

црна, сива, светлокафеава

Висина

58 – 70 см.

Тежина

женките 40 – 45, а мажјаците 45 – 50 кг.

Грижа

Доволно е повремено четкање на крзното за да се отстранат мртвите влакна и тоа да изгледа здраво и уредно. Се митарат малку. Можат да живеат надвор во соодветно засолниште доколку се социјализираат доволно.

Карактер

Кане Корсо се многу интелигентни, верни, доста подучливи и сестрани кучиња. Самоуверени се и постојано внимателни што ги прави одлични чувари. Не се агресивни но кога ќе биде потребно ќе ја бранат својата територија и своите газди жестоко и бестрашно. Во борба се скоро незапирливи поради тоа што имаат високо ниво на издржливост на болка. Љубезни се, предани и приврзани со целата фамилијата, а особено со децата со кои прекрасно се сложуваат. Се препорачува добро да ги социјализирате уште додека се мали за да избегнете да бидат агресивни со туѓинци и други кучиња, иако и со дресирање тие се доста претпазливи и намќорести со тие што не ги знаат. Како и да е, нема да предизвикаат кавга или борба со други кучиња доколку не се предизвикани.

Дресура

Кане Корсо се доста интелигентни и многу подучливи кучиња, па дресирањето не би требало да претставува проблем. Сестрани се и можат брзо да научат да извршуваат најразлични задачи. Како и да е, бидејќи тие се доста големи кучиња кои знаат да бидат своеглави понекогаш, не се препорачуваат како миленичиња за сопственик без искуство. Се препорачува да се дресираат за послушност уште од мали, а исто така од мали треба да се научат да им бидат покорни на сите членови од фамилијата.

Темперамент

интелигентни, верни, љубезни, подучливи, сестрани, самоуверени, внимателни

Тренинг

Овие атлетски кучиња имаат голема потреба од редовно движење и вежби. Ќе ви бидат одлични придружници додека џогирате. Уживаат во пливање, трчање и шетање, па доколку немате можност да ги изведете да трчаат крај вашиот велосипед или да џогираат со вас, ќе треба барем да ги водите на долги и брзи прошетки секој ден. Сакаат да бидат во друштво и обожаваат да бидат дел од фамилијарните активности.

Заболувања

Како и другите големи кучиња, и Кане Корсо е склон кон дисплазија на колкот. Исто така оваа раса е склона кон надувување на стомакот, па ќе треба да внимавате на нивната исхрана и да им ги раздвојувате оброците на повече мали оброци во денот.

Хипоалергеност

2

Животен век

10 - 11 години