Чивава

Темперамент

• мали, паметни, бестрашни

Големина и нега

Големина: Не е наведено во изворниот профил.

Негата на шивавите подразбира редовно чешлање и четкање на долгото крзно. Канџите на шепите треба да се сечат. Забите треба редовно да се проверуваат. Чивавите лесно настинуваат, па препорачливо е да се чуваат во топла средина или да им се облакаат џемперчиња при прошетка на поладно време. Кога ќе настинат обично тешко дишат и ’рчат. Имаат мека точка на врвот на черепот, што е нормална појава, и истата ќе исчезне како што чивавата ќе созрее. Не треба да се хранат многу.

Потекло

Оваа раса потекнува од сојузната држава Чивава во Мексико, а трагите од првите предци датираат уште од IX век. За предци на чивавите се сметаат расата кучиња Techichi (малку поголема и понабиена врста на кучиња) која била вкрстена со „голокожа“ врста на кучиња од Азија, и така се добиле двете варијанти на расата чивава: со кратко и со долго влакно. Чивавите биле од големо значење за Ацтеките, бидејќи тие верувале дека кога луѓето умираат нивните гревови се пренесуваат на кучето и дека тоа ќе ги води по патот на задгробниот живот. Богатите ја ценеле оваа раса, но сиромашните пак многу често знаеле да ги искористат овие мали кученца како оброк за јадење. Чивавите се најмалата и најстарата раса на кучиња која потекнува од Северна Америка. Најпознатат чивава е Даки (Ducky) која во 2007та година влегла во Гинисовата книга на рекорди како победник во категоријата најмалото куче на светот.

Земја

Мексико

Класификација

куче придружник

Крзно

Има две варијанти на расата чивава. Едната варијанта е со кратко и мазно крзо, а другата е со долго крзно. Освен во крзното, во сѐ друго тие се идентични меѓу себе. Краткот крзно е мазно, сјајно, со кратко влакно. Долгото крзно е со прави или малку брановидни влакна на ушите, вратот, пашката и нозете. Прифатливи се сите бои или мешавини на бои, но најчесто крзното е во црна, бела, сина, црвена или боја на жито.

Тело

Кратко тело со прав грб, добро распоредени ребра и убаво исправени раменици. Ушите се големи, и подигнати кога чивавата е во движење. Опашката е долга, но се стеснува во ширина одејќи кон врвот, високопоставена и свиткана над грбот.

Боја

црна, бела, сина, црвена или во боја на жито

Висина

околу 15 - 23 см.

Тежина

500 - 2500 гр.

Грижа

Негата на шивавите подразбира редовно чешлање и четкање на долгото крзно. Канџите на шепите треба да се сечат. Забите треба редовно да се проверуваат. Чивавите лесно настинуваат, па препорачливо е да се чуваат во топла средина или да им се облакаат џемперчиња при прошетка на поладно време. Кога ќе настинат обично тешко дишат и ’рчат. Имаат мека точка на врвот на черепот, што е нормална појава, и истата ќе исчезне како што чивавата ќе созрее. Не треба да се хранат многу.

Карактер

Чивавите се многу интелигентни, претпазливи и бестрашни. Послушни се, па лесно ќе ги дресирате. Можат да бидат агресивни кон други кучиња и не ги сакаат луѓето кои им упаѓаат во нивниот дом без дозвола. Фамилиите кои имаат мали деца ќе треба да ги надгледуваат доколку децата и кутрето си играат бидејќи децата можат несакајќи да ги повредат малите чивави. Тие се одлични придружници на постарите. И покрај нивната мала става, чивавите имаат снажен дух и не се воопшто нежни иако можеби така изгледаат.

Дресура

Иако чивавите најчесто не се дресираат поради нивната мала става, сепак тие се желни да учат. Како и да е, можеби ќе ви треба повече трпени при учењето да уринираат на одредено место.

Темперамент

мали, паметни, бестрашни

Тренинг

Не им е потребно многу движење, па можат да ја задоволат својата потреба за движење и играње внатре во домот. Доколку чивавата стане претешка, ќе биде потребно шетање (а не носење во рака што најчесто го прават сите сопственици на вакво кутре). Можете да ги носите на мали прошетки, но не се раса на кучиња кои обожуваат да се надвор.

Хипоалергеност

2

Животен век

10 - 18