Аргентинска дога

Темперамент

• силни, бестрашни, паметни, дружељубиви, заштиници, храбри, верни, љубезни

Големина и нега

Големина: Не е наведено во изворниот профил.

Тимарењето не е напорно, иако тие се митарат порсечно. Ноктите им растат доста брзо, па потребно е истите да се сечат редовно. Предноста кај овие кучиња е тоа што тие не оддаваат миризба која повеќето кучиња ја имаат.

Потекло

Аргентинскиот мастиф, или како што е попознато Дого Агрентино, е една од ретките раси на кучиња кои се развиени во Јужна Америка. Расата ја создал доктор Антонио Норес Мартинез во 1928 година во Аргентина. Д-р. Мартинез ја создал оваа раса со намера да добие куче кое ќе биде способно да лови голем дивеч (диви свињи, па дури и пуми), а воедно ќе биде и одличен и посветен чувар. Добиената раса имала силен заштитнички инстинкт, одлична кондиција и воодушевувачки ловечки способности. Како основа во програмата за развивање на оваа раса, д-р. Мартинез го искористил сега изумреното Кордобанско боречко куче кое во понатамошниот процес го размножувал со стариот англиски булдог, бул териер, шпанскиот мастиф и догата. Дого Аргентино е забранета раса во некои земји како Австралија, Нов Зеланд, Англија, Исланд, Норвешка, Данска, Португалија, Романија, Сингапур и Украина поради неговиот карактер. Треба да се има на ум дека сите кучиња се засебна единка од кои некои се подоминантни или поагресивни од други. Најдобро би било потенцијалниот сопственик да го дознае потеклото на кучето кое ќе го чува за миленик за да се осигура дека истот потекнува од потомци со љубезен темперамент.

Земја

Аргентина

Класификација

куче чувар

Крзно

Дого Аргентино има густо и сјајно бело крзно со кратки влакна. Нема внатрешен слој на крзното. Се митари просечно. Може да има црн прамен на главата кој според расните стандарди некаде е прифатен, а некаде не.

Тело

Телото е малку подолго отколку што е високо. Градите се широки и длабоки. Ребрата се добро распоредени. Грбот е цврст и јак. Стомакот е малку вовлечен навнатре. Високопоставената опашка е широка во основата и се стеснува кон крајот. Високопоставените уши пак, можат да бидат природни или кастрени. Во природна форма тие се спуштени, широки во основата со заоблен завршеток, додека доколку се кастрени тие се триаголни, кратки и подигнати.

Боја

бела

Висина

женките 61 – 69, мажјаците 63 – 74 см.

Тежина

41 – 54 кг.

Грижа

Тимарењето не е напорно, иако тие се митарат порсечно. Ноктите им растат доста брзо, па потребно е истите да се сечат редовно. Предноста кај овие кучиња е тоа што тие не оддаваат миризба која повеќето кучиња ја имаат.

Карактер

Дого Аргентино е силно и бестрашно, а сепак куче полно со љубов. Бидејќи биле одгледувани за да ловат голем дивеч, тие се слика на цврстина и непопустливост. Како и да е, биле одгледувани и за да го чуваат својот сопственик и фамилијата, па тие се исто така и одлични придружници кои ќе ве штитат и сакаат. Сопственикот треба да биде строг и самоуверен, но и нежен и љубезен. Тие се верни, паметни, храбри и дружељубиви кучиња. Вообичаено, тие се однесуваат агресивно кон други кучиња, особено кон кучиња од ист пол или поголеми од нив. Ќе прифатат други домашни миленици доколку се со нив уште од рана возраст. Сакаат да си играат со децата, но сепак пожелно би било да ги надгледувате додека си играат со помали деца за да не се случат несакани незгоди, бидејќи Дого Аргентино е раса на кучиња со големи раст и мускулеста и јака става. Нивниот силен заштитнички инстинкт ги прави одлични кучиња-чувари. Оваа раса на кучиња не е соодветна за некој кој прв пат чува куче. За нивно одгледување и чување потребно е искуство и цврст, а сепак љубезен став.

Дресура

Дого Агрентино е доста паметно куче за кое е познато дека лесно се дресира. Дресерот треба да има цврст став, да биде доследен и постојано да покажува кој е главен за ваквото куче да не стане своеглаво и да се однесува тврдоглаво.

Темперамент

силни, бестрашни, паметни, дружељубиви, заштиници, храбри, верни, љубезни

Тренинг

На овие енергични кучиња потребно им е секојдневно раздвижување. Најсреќни се кога се дел од фамилијарните активности.

Заболувања

Најчести здравствени проблеми кај Дого Аргентино се разместување на колкот и глувост која најчесто изнесува околу 10% и се јавува или само на едното или и на двете уши.

Хипоалергеност

0

Животен век

11