Естрелско планинско куче

Темперамент

• горделив, заштитнички настроен, постојано подготвен за акција, тврдоглав, моќни

Големина и нега

Големина: Не е наведено во изворниот профил.

Потребно е да го четкате крзното на естрелското планинско куче еднаш неделно за тоа да изгледа здраво. Повеќе тимарење е потребно за варијантата со долго влакно, и потребно е многу повеќе внимание кога тие се митарат, бидејќи го менуваат внатрешното крзно целосно.

Потекло

Португалското естрелско планинско куче, или уште познато како португалскиот овчар или Cão de Serra da Estrela, е една од најстарите раси на кучиња која потекнува од Португалија. Името го добило по планинскиот венец Serra da Estrela во Португалија од каде потекнува. Тоа потекнува од старото португалско овчарско куче кое било вкрстено со новите раси кои биле донесени со пристигнувањето на Римјаните во 200 година п.н.е. Ваквото куче било големо, силно, издржливо, со густо крзно и скромен апетит кое било одличен чувар во суровите планински услови. Долго време оваа раса на кучиња не била позната надвор од местото од кое потекнува. Стандардизацијата на ваквата раса за прв пат била запишана во 1922 година. Денес, естрелското планинско куче е куче чувар и полициско куче во Португалија, додека низ светот тоа е сѐ уште делумно позната раса на кучиња.

Земја

Португалија

Класификација

куче чувар

Крзно

Ертелското планинско куче има дебело крзно кое може да биде со долго или со кратко влакно. Двете варијанти имаат густо внатрешно крзно кое е грубо и наликува на текстурата на крзното на козата. Имаат доста густо крзно околу вратот. Дозволени бои на крзното се бенкичаво кафеава, жолто-кафеава, сива како на волкот или жолта. Сите варијанти имаат црна рилка.

Тело

На изглед, телото е квадратно, но прифатливо е и доколку е малку подогло отколку што е високо. Градите се широки и мускулести. Ребрата се добро распоредени и раширени до задниот дел. Слабината е мала, широка и мускулеста. Грбот е широк, цврст. Ушите се мали, заоблени, во триаголна форма и се носат спуштени т.е. превиткани наназад во контра насока од муцката. Опашката е дебела која се носи спуштена кога кучето не е активно или крената кога тоа е активно.

Боја

бенкичаво кафеава, жолто-кафеава, сива како на волкот или жолта

Висина

62 – 72 см.

Тежина

30 – 50 кг.

Грижа

Потребно е да го четкате крзното на естрелското планинско куче еднаш неделно за тоа да изгледа здраво. Повеќе тимарење е потребно за варијантата со долго влакно, и потребно е многу повеќе внимание кога тие се митарат, бидејќи го менуваат внатрешното крзно целосно.

Карактер

Естрелското планинско куче е одлучно, доверливо, паметно, мирно, трпеливо, верно и кротко. Ваквото куче е одличен чувар бидејќи по природа немаат доверба во туѓинците. Тоа се приврзува доста кон една личност, па може да претставува потешкотија да се навикне на нов дресер или газда. Тоа е и прекрасен придружник на децата и луѓето воопшто, како и на другите животни во домот, бидејќи има природен инстинкт да се грижи за другите.

Дресура

Есртелското планинско куче е доста паметно и желно да учи, но знае да биде и тврдоглаво што може да го отежне процесот на дресирање. Тоа нема да биде послушно на тренингот доколку му е досадно или се чувствува присилено. Дресерот треба да биде доследен и строг.

Темперамент

горделив, заштитнички настроен, постојано подготвен за акција, тврдоглав, моќни

Тренинг

Потребно им е умерена доза на движење и вежби. Потребен им е голем простор, и внатре во домот, и надвор од него. Не е идеално домашно милениче за живот во стан. Дворот во кој го чувате треба да е ограден и кога го шетате треба да го водите на ремен бидејќи ваквите кучиња доста често знаат да талкаат.

Хипоалергеност

2

Животен век

9 - 13