Бразилска фила

Темперамент

• силно, цврсто, заштитнички настроено, храбро, верно, предано, љубезно

Големина и нега

Големина: Не е наведено во изворниот профил.

Бразилската дога не бара многу тимарење. Повремено, четкајте го краткото мазно крзно со цврста четка со боцки. Исто така повремено, поминувајте го крзното со мокро крпче што ќе придонесе крзното да изгледа чисто, здраво и сјајно. Бањајте ги овие кучиња само кога тоа е неопходно.

Потекло

Бразилската дога е размножена во Бразил, а се добила со вкрстување на мастиф, булдог, Bloodhound и Rafeiro во XV век. Бразилската дога е работна сила која најпрво била одгледувана за да го води и чува добитокот на фармите и плантажите, но подоцна се покажала како талентирана за лов и трагање исто така. Така на пример, бразилската дога е одлично ловџиско куче, бидејќи откако ќе го лоцира својот плен, го соборува гризајќи го за вратот и го чува така додека не пристигне ловецот. Позната е по ловење и на поголем и поопасен дивеч како јагуар, а не само на добиток, говеда или помал дивеч како дива свиња. Се вели дека бразилската дога дури ги фаќала и робовите кои се обидувале да избегаат во време кога ропството сѐ уште не било забрането. За жал, склоноста кон агресија на бразилската дога придонела оваа раса да биде забранета во некои земји како Англија, Израел, Данска, Норвешка, Малта и Кипар.

Земја

Бразил

Класификација

ловџиско куче и куче чувар

Крзно

Крзното на бразилските доги е кратко и мазно, додека кожата е дебела и разлабавена. Кожата е најмногу разлабавена на вратот и муцката. Се митарат просечно. Крзното може да биде во речиси сите бои, од целосно јасна боја, до различни нијанси и шари. Не се прифаќаат само: бела, сива, и црно-жолта боја и пегава или двобојна шара. Најчести бои се: жолто-кафеава, црна и бенкичава, со или без црна рилка. Дозволено е да имаат бели делови на крзното доколку тие се на нозете, градите и врвот на опашката.

Тело

Телото им е цврсто и широко, прекриено со дебела кожа која е развлечена ,особено на вратот. Ребрата се добро распоредени, а градите се длабоки и широки. Грлото е долго и широко. Плешките се изразити. Ушите им се големи, дебели, виснати, во V форма и се смалуваат одејќи од основата до заоблениот врв. Опашката е подебела во основата, а се стеснува кон врвот и се носи исправена (но не и свиткана над грбот) кога кучето се движи.

Боја

жолто-кафеава, црна и бенкичава, со или без црна рилка

Висина

60 - 75 см.

Тежина

40 - 50 кг.

Грижа

Бразилската дога не бара многу тимарење. Повремено, четкајте го краткото мазно крзно со цврста четка со боцки. Исто така повремено, поминувајте го крзното со мокро крпче што ќе придонесе крзното да изгледа чисто, здраво и сјајно. Бањајте ги овие кучиња само кога тоа е неопходно.

Карактер

Бразилската дога е многу заштитнички настроено куче кое е предано и верно. Се смета за многу добро куче чувар кое ќе ве брани без никакво двоумење. Немате да имате потреба да го дресирате за да се однесува вака, бидејќи тоа е одбранбено по природа. Тоа пак значи дека исто така нема да можете да го научите да не се однесува заштитнички кон вас. Бразилската дога не се препорачува за домашно милениче на неискусни сопственици. Сопственикот треба да биде запознаен со расата и да биде силен и одлучен лидер кој ќе и покаже каде и е местото на бразилската дога, бидејќи тоа е големо и силно куче кое може да стане и опасно. Како и да е, бразилската дога е куче полно со љубов, предано, верно и храбро. Знае да се приврзе многу за својот газда со кого ќе сака да поминува доста време. Сепак, еднакво ќе ги сака и останатите членови на фамилијата. На пример, познати се по тоа што ги обожаваат децата од фамилијата со која живеат. Заштитнички се настроени и кон други домашни миленичиња. Не се сложуваат добро со туѓинци и скоро секогаш ќе бидат недоверливи кон нив, без разлика на социјализацијата. Затоа, оваа раса не се препорачува за фамилии кои доста често се дружат со други фамилии и пријатели, бидејќи бразилската дога не сака туѓинци во својот дом. Потребно е да започнете да ги социјализирате уште од мали и тоа никогаш да не престане за да се избегне можноста тие да станат агресивни.

Дресура

Дресерот треба да биде силен и одлучен лидер кој ќе и покаже каде и е местото на бразилската дога. Бидејќи тие можат да станат агресивни, а знаат да бидат и доста тврдоглави, потребно е да ги учите на послушност, да ги социјализирате и привикнувате на различни ситуации уште од рана возраст. Како и да е, лесно ќе ги научите пак да уринираат на одреденото место.

Темперамент

силно, цврсто, заштитнички настроено, храбро, верно, предано, љубезно

Тренинг

На бразилската дога и е потребно многу енергично раздвижување секој ден. Тоа е доста енергична раса на која и е потребен добро ограден и обезбеден простор за трчање. Како и повеќето кучиња, така и бразилската дога станува деструктивна и лоша кога не ја задоволила својата потреба за движење.

Хипоалергеност

0

Животен век

10 - 12